ليش بتعيد تشرحله كل مرة؟
بدون الملفكل جلسة جديدة: «أنا ضياء، عندي موقع، بشتغل بـ Next.js، ردّ عليّ بالعربي، ما تحذف إشي…». بتضيّع 5 دقايق، وبنص الجلسة بيرجع ينسى.
مع CLAUDE.mdبتكتبها مرة وحدة بملف بمجلد المشروع. Claude Code بيقرأه لحاله أول ما يفتح، وكل جلسة بتبلّش من نص الطريق.
الملف ما فيه سحر: نص عادي بثلاث أقسام. هاي الثلاثة اللي بتفرق:
01
مين إنت
شغلك، لغتك، مستواك التقني، وكيف بدك يرد عليك.
02
المشروع
شو هو، الأدوات، أهم المجلدات، وأوامر التشغيل.
03
طريقة الشغل
شو ممنوع، إيمتى يسأل، وكيف يسلّمك النتيجة.
لسا ما ثبّت Claude Code؟ التثبيت 5 دقايق بـ دليل التثبيت من الصفر، وبعدها ارجع هون. وإذا بدك تفهم وين بيوقع هالملف من كل اللي بيصير بالجلسة: خريطة Claude Code.
10 دقايق ومرة وحدة
خلّي Claude يكتب أول نسخة، وبعدها حط عليها القالب تبعك.
1
أسرع طريقة: /init
افتح Claude Code جوّا مجلد مشروعك واكتب:
cd my-project
claude
/init
- شو بيعمل: بيقرأ مشروعك (الملفات، الأوامر، طريقة التشغيل) وبيكتبلك أول نسخة من
CLAUDE.md. - الملف موجود من قبل؟ ما بيمسحه: بيقترح تحسينات عليه.
- عندك ملفات تعليمات من أدوات ثانية (Cursor rules أو Copilot instructions)؟ بيقرأها وبيستفيد منها.
- النسخة اللي بيطلّعها تقنية وبالإنجليزي، وما فيها «مين إنت» ولا «طريقة الشغل». هون بيجي دور القالب بالخطوة 2: ضيف أقسامه فوق اللي كتبه.
مشروعك مش كود؟ (مجلد ريلز، مقالات، ملفات Excel…) اعمل الملف بإيدك: اطلب منه
اعمل ملف CLAUDE.md بجذر المجلد وحط فيه القالب اللي رح ألصقه، وعبّي الفراغات من اللي بتشوفه بالمجلد.
2
القالب اللي بستعمله (انسخه وعبّي الفراغات)
هاد القالب الكامل بملف واحد. اللي بين [ ] بتبدّله بكلامك، واللي ما بينطبق عليك احذفه. بالعربي ولا بالإنجليزي؟ الاثنين بيشتغلوا، بس الأوامر والمسارات خلّيها بالإنجليزي.
# [اسم المشروع]
## مين أنا
- اسمي [اسمك]، [شغلك: صانع محتوى / صاحب متجر / مبرمج…]
- بحكي عربي: ردّ عليّ بالعربي، والكود والأوامر والمسارات بالإنجليزي.
- مستواي التقني: [مبتدئ / متوسط / مبرمج]، اشرحلي [بالتفصيل / باختصار].
## المشروع
- شو هو: [جملة وحدة: موقع لبيع العطور / قناة يوتيوب / تطبيق حجز…]
- الأدوات: [Next.js + Supabase / Shopify / Excel / Google Docs…]
- أهم المجلدات: [src/ = الكود · content/ = المحتوى · docs/ = التوثيق]
- الجمهور: [مين بيستخدمه ومين بيقرأ النتيجة]
## الأوامر
- تشغيل: [npm run dev]
- اختبار: [npm test]
- نشر: [اسألني قبل ما تنشر]
## القواعد
- لا تحذف ملفات ولا تعمل push ولا تغيّر .env بدون ما تسألني.
- أي تعديل كبير: اعرضلي الخطة بالأول واستنى موافقتي.
- شغّل الاختبارات قبل ما تحكيلي «خلصت»، وقلّي شو الملفات اللي تغيّرت.
- ما تضيف مكتبة أو أداة جديدة بدون ما تسألني.
## طريقة الشغل
- جمل قصيرة، بدون مقدمات ولا رسميات.
- إذا الطلب مش واضح: اسأل سؤال واحد قبل ما تبلّش.
- لما تخلّص: ملخص بثلاث نقاط، مش فقرة.
ليش هيك بالذات؟
- نقاط قصيرة تحت عناوين: هيك التوثيق بينصح، وهيك Claude بيلتزم أكتر. الفقرات الطويلة بتضيّع.
- القواعد قبل الأسلوب: «ما تحذف» و«اعرض الخطة» هني اللي بيوفّروا عليك أكتر، فخلّيهم واضحين وبسطور لحالهم.
- تحت 200 سطر: كل سطر بينقرأ بكل جلسة. التوثيق بيقول: الملف الأطول بياكل سياق أكتر وبيقلّ الالتزام فيه.
3
ملف لكل مشاريعك + ملف لكل مشروع
«مين أنا» و«طريقة الشغل» ما بتتغير من مشروع لمشروع. فأنا بحطها مرة وحدة بملف على مستوى حسابي، وبخلّي ملف كل مشروع للمشروع نفسه. Claude Code بيقرأ الاثنين مع بعض.
| الملف | وين | شو بحط فيه |
|---|---|---|
| ملف حسابك | ~/.claude/CLAUDE.md على Windows: C:\Users\<اسمك>\.claude\CLAUDE.md | مين أنا، لغتي، أسلوبي، قواعدي العامة. بينقرأ بكل مشاريعك. |
| ملف المشروع | ./CLAUDE.md بجذر المشروع (أو ./.claude/CLAUDE.md) | شو المشروع، الأدوات، المجلدات، الأوامر، قواعد هالمشروع. بينرفع مع git وبيشوفه فريقك. |
| ملفك الخاص بالمشروع | ./CLAUDE.local.md | ملاحظاتك إنت بس (روابط تجريبية، تفضيلات ما بدك تشاركها). ضيفه لـ .gitignore بإيدك، ما بينضاف لحاله. |
مثال ملف الحساب (~/.claude/CLAUDE.md): قصير وعام
# عنّي
- اسمي ضياء، صانع محتوى تقني وبشتغل على مشاريع ويب ومحتوى.
- ردّ عليّ بالعربي (لهجة أردنية خفيفة)، والكود والأوامر والمسارات بالإنجليزي.
- جمل قصيرة بدون مقدمات. إذا الطلب مش واضح اسأل سؤال واحد.
- اعرض الخطة قبل أي تعديل كبير، وما تحذف إشي بدون إذني.
- لما تخلّص: ملخص بثلاث نقاط.
الملفات بتنقرأ كلها ورا بعض، مش وحدة بتلغي الثانية: الترتيب بالتوثيق: ملف الشركة (إذا في)، بعدين ملف حسابك، بعدين ملف المشروع، بعدين CLAUDE.local.md. وإذا قاعدتين بتتناقضوا، Claude ممكن يختار وحدة منهم بشكل عشوائي. فما تكتب «ردّ بالعربي» بملف و«Reply in English» بالثاني. كل أماكن الملف وحجمه والمجلدات الفرعية مشروحة بـ خريطة Claude Code.
4
ثلاث نسخ معبّاة: صانع محتوى، صاحب متجر، مبرمج
خد الأقرب لشغلك وعدّل عليه. الثلاثة بتفترض إن «مين أنا» موجود بملف الحساب (الخطوة 3).
صانع محتوى: مجلد فيه نصوص ريلز ومقالات
# قناة «تقنية بالعربي»
## المشروع
- شو هو: محتوى تقني عربي، ريلز قصيرة ومقالات للموقع.
- المجلدات: scripts/ = نصوص الريلز · articles/ = المقالات · brand/ = الهوية والألوان.
- الجمهور: عرب مهتمين بالذكاء الاصطناعي، أغلبهم مش مبرمجين.
## القواعد
- كل نص ريل: هوك بأول سطر، 60 إلى 90 كلمة، ونهاية فيها طلب واضح (علّق / احفظ / شارك).
- ما تستخدم ترجمة حرفية؛ اكتب زي ما بنحكي.
- أي اسم منتج أو رقم: اذكر مصدره أو اكتب «يحتاج تأكيد».
## طريقة الشغل
- اعطيني 3 نسخ من الهوك دايماً.
- النص الجديد بينحفظ بملف جديد داخل scripts/ باسم التاريخ، ما بتعدّل على القديم.
صاحب متجر: ملفات Excel وطلبات ومتجر أونلاين
# متجر العود
## المشروع
- شو هو: متجر عطور أونلاين على Shopify، وملفات Excel للمخزون والطلبات.
- المجلدات: inventory/ = المخزون (xlsx) · orders/ = تصدير الطلبات · marketing/ = الإعلانات.
- العملة: دينار أردني. اللغة مع العملاء: عربي رسمي خفيف.
## القواعد
- ما تعدّل أي ملف Excel مباشرة؛ اعمل نسخة باسم جديد وعدّل عليها.
- الأرقام والأسعار: ما تخمّن، اقرأها من الملف واذكر رقم الصف.
- رسائل العملاء: بدون وعود بمواعيد توصيل.
## طريقة الشغل
- ابدأ بسطر واحد: شو فهمت من الطلب، بعدين نفّذ.
- أي تقرير: جدول قصير + 3 ملاحظات.
مبرمج: مشروع ويب، بالإنجليزي عشان الفريق
# [project name]
## Project
Online store: Next.js 15 · TypeScript · Tailwind · Supabase
## Key files
app/ (pages) · lib/db.ts (queries) · components/ui/ (design system)
## Commands
npm run dev · npm test · npm run build
## Rules
- Do not change schema.sql without asking me.
- Every component gets a test next to it.
- Errors: throw AppError, not a string.
- Short commit messages; comments in English.
- Run npm test before saying a task is done.
## Never (ask first)
- git push · rm -rf · editing .env
خلّيه حي
الملف الجيد بيكبر شوي شوي: كل ما تلاحظ إنك بتعيد نفس الملاحظة، ضيفها.
5
كيف تعدّله وتخليه يضل محدّث
/memory
بيعرضلك كل ملفات الذاكرة (ملف حسابك وملف المشروع والباقي). اختار واحد وبيفتحه بالمحرر، وإذا مش موجود بينشئه.ومن نفس الشاشة بتشغّل أو بتطفّي الذاكرة التلقائية (تحت).
بالمحادثة
احكيله مباشرة: «ضيف على CLAUDE.md: دايماً استخدم pnpm مش npm». هو بيفتح الملف وبيكتبها.أسهل طريقة تضيف قاعدة وإنت شغال.
/context
بيوريك شو محمّل بالسياق هلأ، ومنها قائمة ملفات CLAUDE.md والذاكرة اللي انقرت.إذا ملفك مش بالقائمة، فهو مش بالمكان الصح.
/doctor prompt-audit
بيفحص CLAUDE.md والقواعد والسكلز وبيدوّر على كلام قديم أو متناقض وبيقترح تعديلات. ما بيغيّر إشي قبل موافقتك.من إصدار 2.1.283 وطالع. و
/status بينبّهك إذا الملف صار أطول من اللازم.اللي بتحكيه بالمحادثة بس ممكن يضيع: لما الجلسة تطول وتنضغط (/compact)، Claude بيرجع يقرأ ملف CLAUDE.md من القرص، أما التعليمات اللي قلتها بالمحادثة ممكن تروح مع الضغط. القاعدة اللي بدك إياها دايمة: حطها بالملف.
الذاكرة التلقائية (auto memory): غير CLAUDE.md
Claude Code كمان بيحفظ ملاحظات لحاله بين الجلسات (شو تعلّم عنك وعن المشروع) بمجلد ~/.claude/projects/<project>/memory/، وبيقرأ فهرسها MEMORY.md بأول كل جلسة. شغّالة افتراضياً على جهازك. الفرق: CLAUDE.md إنت بتكتبه وبتتحكم فيه، والذاكرة التلقائية هو بيكتبها. بتشوفها وبتطفّيها من /memory.
6
خدع إضافية: imports · rules · AGENTS.md
1. ضمّ ملفات ثانية بدل ما تنسخها: سطر يبدأ بـ @ ومسار الملف
# My project
@README.md
@docs/style-guide.md
@~/.claude/my-writing-rules.md
- المسار النسبي بينحسب من مكان الملف اللي فيه السطر، مش من مجلد الجلسة. وبيقبل مسارات كاملة و~/.
- الملف المضموم بيقدر يضم غيره، لحد 4 مستويات.
- مسار فيه مسافة؟ حط \ قبل المسافة:
@Design\ Docs/api.md. - الـ @ جوّا code block أو بين backticks بينتجاهل. وملف برّا مجلد المشروع بيطلب موافقتك مرة وحدة.
2. قواعد بتنقرأ بس لما يلمس ملفات معيّنة: مجلد .claude/rules/
# .claude/rules/frontend.md
---
paths:
- "src/components/**"
---
- Every component gets a test file next to it.
- Use the design tokens from components/ui, never raw colors.
ملف قواعد فيه paths ما بينقرأ إلا لما Claude يقرأ أو يعدّل ملف بيطابق النمط، فما بياكل سياق على الفاضي. ملف بدون paths بينقرأ من الأول زي CLAUDE.md. وفي نسخة لحسابك: ~/.claude/rules/.
3. ملاحظات لفريقك ما بتوصل لـ Claude: تعليقات HTML بتنشال قبل ما ينقرأ الملف
<!-- maintainers: update the commands below when the build changes -->
4. عندك AGENTS.md من أداة ثانية؟ خلّي الملفين واحد
# CLAUDE.md
@AGENTS.md
- Reply to me in Arabic; keep code and commands in English.
إذا المشروع فيه AGENTS.md وما فيه CLAUDE.md، Claude Code بيقرأه لحاله (من إصدار 2.1.277). وإذا بدك الاثنين: ضمّه بأول سطر زي فوق بدل ما تنسخ المحتوى مرتين.
7
أخطاء بتخلي Claude يتجاهل الملف
بتعتبر القواعد قفل
CLAUDE.md سياق ونصايح: Claude بيمشي عليه بس ما في ضمان. المنع الحقيقي (حذف، push، تعديل ملفات معيّنة) من قواعد deny بالإعدادات أو hook. كلها بـ دليل إعدادات الأمان.
بتكتب رواية
فقرات طويلة وشرح تاريخ المشروع. الصح: نقاط قصيرة تحت عناوين، وتحت 200 سطر. الزايد بيقلّ الالتزام بالباقي.
قاعدتين بتتناقضوا
«ردّ بالعربي» بملف حسابك و«Reply in English» بملف المشروع. الملفات بتنقرأ كلها، والتناقض بيخليه يختار عشوائياً. اختار وحدة.
كلمات سر ومفاتيح API
ملف المشروع بينرفع مع git وبيشوفه غيرك. المفاتيح مكانها .env، والملف بيقول لـ Claude وين يلاقيها مش شو هي.
القاعدة بالمحادثة بس
قلتها مرة وتوقعت تضل. بعد ما تنضغط الجلسة ممكن تروح. كل ما تعيد نفس الملاحظة مرتين، حطها بالملف.
الملف بمكان غلط
حطيته بمجلد فرعي وتوقعت ينقرأ من الأول. ملفات المجلدات الفرعية بتنقرأ بس لما يشتغل على ملفات هداك المجلد. تأكد بـ /context.
CLAUDE.local.md ما بينضاف لـ .gitignore لحاله: إذا كتبت فيه إشي خاص، ضيفه لـ .gitignore بإيدك قبل أول commit.
?
أسئلة شائعة
أكتبه بالعربي ولا بالإنجليزي؟
الاثنين بيشتغلوا، وClaude بيفهم العربي تمام. أنا بكتب «مين أنا» و«طريقة الشغل» بالعربي، والأوامر والمسارات وأسماء الملفات بالإنجليزي زي ما هي. وإذا الفريق أجنبي، خلّي ملف المشروع بالإنجليزي وملف حسابك بالعربي.
بيشتغل مع تطبيق Claude العادي أو Cowork؟
لا، CLAUDE.md خاص بـ Claude Code (الطرفية وإضافة VS Code). بالتطبيق العادي حط نفس الكلام بتعليمات الـ Project أو بتفضيلاتك بالإعدادات.
شو الفرق بينه وبين الـ Skills؟
CLAUDE.md = سياق دايم بينقرأ كل جلسة (مين إنت وشو المشروع). الـ Skill = طريقة عمل مهمة معيّنة بتنقرأ لما تحتاجها (مثلاً «اكتب تقرير أسبوعي»). الشرح والقالب بـ دليل أول Skill.
سمعت إنه في اختصار # بيحفظ بالذاكرة؟
مش موجود بالتوثيق الحالي. الطريقتين المعتمدتين: احكيله بالمحادثة «ضيف هاي على CLAUDE.md»، أو افتح الملف من /memory.
بشتغل من مجلد فرعي جوّا المشروع، بيلاقي الملف؟
إيه: كل ملفات CLAUDE.md بالمجلدات اللي فوق مجلد الجلسة بتنقرأ من الأول. العكس هو اللي عند الطلب: ملف بمجلد فرعي بينقرأ بس لما يشتغل على ملفاته. والمجلدات اللي بتضيفها بـ --add-dir ما بينقرأ ملفها افتراضياً.
/init كتبلي ملف طويل وبالإنجليزي، أغيّره؟
أكيد، هو مسوّدة. احذف اللي مش لازم، ضيف أقسام القالب، وإذا بدك: «قصّر CLAUDE.md لأقل من 60 سطر وخلّي القواعد نقاط». وبعدها /doctor prompt-audit بيحكيلك إذا في كلام قديم أو متناقض.
كتبت الملف، شو الخطوة الجاية؟
جرّب جلسة جديدة واطلب شي بسيط وشوف إذا رد عليك بأسلوبك. بعدها احفظ الـ 12 أمر اليومية، واقرأ إعدادات الأمان عشان القواعد اللي بدك إياها إجبارية.