شو هي الـ Skill؟
01
مجلد + ملف
مجلد صغير فيه ملف اسمه SKILL.md.
02
الوصف فوق
اسم المهارة، وإمتى تنستعمل.
03
الخطوات تحت
شو يعمل بالترتيب، وشكل النتيجة.
- لحالها: Claude بيقرا وصف كل Skill، ولما تطلب شغلة بتشبهه بيستعملها لحاله.
- بإيدك: اكتب سلاش واسمها، مثلاً /weekly-report.
- الفرق عن CLAUDE.md: هداك بينقرا بكل جلسة (مين إنت وشو مشروعك). الـ Skill بيضل منها بالسياق بس الوصف، ومحتواها كامل بينحمّل لما تنستعمل (كيف تعمل شغلة معيّنة خطوة بخطوة).
انسخ وغيّر الخطوات
بلّش بشغلة بتعملها كل أسبوع بنفس الطريقة.
1
وين بتحطها
| بدك ياها | المكان |
|---|---|
| لمشروع واحد | .claude/skills/weekly-report/SKILL.md جوّا مجلد المشروع |
| لكل مشاريعك | ~/.claude/skills/weekly-report/SKILL.md |
أو خلّي Claude Code يعمل المجلد عنك:
اعملّي Skill اسمها weekly-report بمجلد .claude/skills بهالمشروع، وحط فيها القالب اللي رح ألزقه هلأ زي ما هو.
2
القالب: تقرير أسبوعي
محتوى SKILL.md كامل. غيّر المجلدات والخطوات لشغلك:
---
name: weekly-report
description: يكتب تقرير الأسبوع من ملاحظاتي. استعمله لما أطلب "تقرير الأسبوع" أو "لخّصلي الأسبوع".
---
# تقرير الأسبوع
## الخطوات
1. اقرا ملفات notes/ اللي تعدّلت آخر 7 أيام.
2. طلّع أهم 5 إنجازات، و3 مشاكل، وشو الخطوة الجاية.
3. اكتب التقرير بالقالب تحت، بلهجتي وبجمل قصيرة.
4. احفظه باسم reports/التاريخ.md واعرضلي ملخص بسطرين.
## القالب
**الأسبوع:** …
**الإنجازات:** 1. … 2. …
**المشاكل:** …
**الجاي:** …
- بين الخطين ---: الاسم والوصف. هدول الجزء اللي Claude بيقراه ليقرر إمتى يستعملها.
- تحتهم: الخطوات والقالب. هاد بيقراه بس لما يستعمل المهارة.
3
قالب تاني: هوك للريل
لصنّاع المحتوى، بمجلد reel-hooks:
---
name: reel-hooks
description: يكتب هوكات لريل جديد. استعمله لما أطلب "هوك" أو "بداية للريل" أو أعطيك فكرة ريل.
---
# هوكات الريل
## الخطوات
1. اسألني عن فكرة الريل والجمهور إذا مش واضحين.
2. اكتب 5 هوكات، كل واحد أقل من 12 كلمة، بلهجة بيضاء.
3. نوّع: سؤال، رقم، مشكلة بيعرفها الجمهور، نتيجة مفاجئة، «غلطة بنعملها كلنا».
4. رتّبهم من الأقوى للأضعف، وحط جنب كل واحد سطر: ليش بيوقف السكرول.
## ممنوع
- كليشيهات زي «لن تصدق» أو «سر لا يعرفه أحد».
- وعود ما بيقدمها الريل.
خمس دقايق
لو مشيت على خطواتك بالترتيب، صار عندك أول Skill.
4
جرّبها
- اعمل المجلد والملف زي الخطوة 1 و2.
- افتح Claude Code بنفس المشروع. ما في داعي تعيد التشغيل: بيلقط المهارة الجديدة بنفس الجلسة. بس إذا عملت مجلد .claude/skills لأول مرة والجلسة شغالة، اكتب /reload-skills.
- اكتب طلب عادي بيشبه الوصف: «لخّصلي الأسبوع».
- تأكد إنه مشي على خطواتك بالترتيب، وإنه التقرير طلع بقالبك.
ما استعملها لحاله؟ غالباً الوصف عام. اكتب فيه الكلام اللي بتحكيه عادة لما بدك هالشغلة، أو شغّلها بإيدك بـ /weekly-report.
5
نصايح وأخطاء شائعة
الغلطوصف عام زي «مهارة مفيدة»، وكل شغلك محطوط بمهارة وحدة.
الصحوصف بيحكي إمتى تنستعمل بكلامك، ومهارة لكل شغلة وحدة.
- الوصف أهم سطر: احكي فيه إمتى تنستعمل، بنفس الكلام اللي بتحكيه عادة، وحط أهم استعمال بأوله: الوصف الطويل بيتقص بقائمة المهارات.
- الاسم: هو اللي بتكتبه بعد السلاش. إذا ما كتبته، بياخد اسم المجلد. خليه قصير بالإنجليزي وبدون مسافات (زي weekly-report).
- ملفات زيادة: بتقدر تحط جنب SKILL.md أمثلة أو قوالب أو سكربتات، واذكرها بالخطوات عشان Claude يعرف إمتى يفتحها. وخلّي SKILL.md نفسه أقل من 500 سطر.
- خطوات قصيرة ومرقّمة: كل خطوة إلها نتيجة واضحة.
- أفكار لمهارات: كابشن بلهجتك · كاروسيل بهويتك · رد على الإيميلات · ترتيب صور · بحث عن أفكار ريلز.
?
أسئلة شائعة
كيف بشوف المهارات اللي عندي؟
اكتب /skills بـ Claude Code. وبدك تعرف قديش كل وحدة بتاخد من السياق وكم مرة استعملتها؟ اكتب /skill-doctor.
بتشتغل بتطبيق Claude كمان؟
تطبيق Claude (Cowork) بيستعمل المهارات المفعّلة على حسابك بـ claude.ai، وبتديرها من «Customize» بتطبيق الكمبيوتر أو من إعدادات المهارات على claude.ai. المجلدات اللي بهالدليل هي لـ Claude Code.
بقدر أنزّل Skills جاهزة من الإنترنت؟
آه، بس افحصها قبل: الـ Skill بتقدر تشغّل أوامر على جهازك. شو تنزّل وشو تتجنّب بـ دليل الـ Skills بـ Claude Code، والشرح الكامل بـ الدليل الكامل لبناء Skills.