12 أمر بس
ما بدك تحفظ 80 أمر. هدول بيغطّوا شغل كل يوم، والباقي بترجعله لما تحتاجه.
1
البداية: افتح وكمّل وعرّفه على مشروعك
claude
شغّله جوّا مجلد مشروعكافتح الـ terminal بمجلد المشروع واكتبه. هيك بيشوف ملفات هالمشروع بس.
claude -c
كمّل آخر محادثةسكّرت الـ terminal بنص الشغل؟ بترجع لنفس النقطة بدون ما تعيد الشرح.
/init
بيكتب CLAUDE.md يشرح مشروعكأول مرة بأي مشروع. بيجهّز ملف فيه شرح مشروعك (التقنيات، الأوامر، الهيكل)، وClaude بيقرأه بأول كل محادثة.
2
أثناء الشغل: ملفات وأوامر وأوضاع
@file
أشّر على ملف باسمهاكتب
@ وابدأ باسم الملف، وبتطلعلك اقتراحات بالمسارات. أسرع وأدق من إنك تشرحله وين الملف.! npm test
نفّذ أمر terminal مباشرةأي رسالة بتبلّش بـ
! بتنفّذ كأمر، والنتيجة بتدخل المحادثة وClaude بيرد عليها.Shift + Tab
بدّل الوضع: Plan أو قبول التعديلاتكل ضغطة بتنقلك لوضع: العادي (بيسأل قبل كل تعديل)، ثم قبول التعديلات، ثم Plan (بيقرأ وبيكتب خطة بدون ما يلمس الكود لحد ما توافق). وفي وضع auto إذا كان متاح عندك. أو ادخل Plan مباشرة بـ
/plan.Esc
وقّفه بنص الشغلشفته رايح بالاتجاه الغلط؟ ضغطة وحدة بتوقّفه. وضغطتين والخانة فاضية بتفتح قائمة الرجوع لنقطة قبل، زي
/rewind.3
الـ context والجلسات
/compact
لخّص المحادثة ووفّر contextلحاله أو مع تعليمات:
/compact focus on the bug fix. وClaude Code بيلخّص لحاله لما يقرّب الـ context يمتلي، و/context بيوريك قديش ممتلي./clear
ابدأ من الصفرخلصت مهمة وبدك تبلّش وحدة ثانية؟ امسح المحادثة. أسرع وأدق من إنك تكمّل على محادثة طويلة.
/resume
ارجع لمحادثة قديمةبيعرضلك محادثاتك السابقة بهالمشروع، بتختار وحدة وبتكمّل منها.
القاعدة: نفس المهمة وطوّلت؟
/compact. مهمة جديدة؟ /clear. رجعت بكرة؟ claude -c أو /resume.4
أمرين للمستوى الجاي
/agents
subagents لمهام متخصصةبالنسخ الحالية بيذكّرك بالطريقة: اطلب من Claude ينشئ subagent، أو اكتب ملفه بـ
.claude/agents/. الطريقة والملفات الجاهزة بـ دليل الـ Subagents./model
بدّل الموديلبيفتح قائمة الموديلات (opus وsonnet وhaiku…)، واللي بتختاره بيصير الافتراضي للجلسات الجاية. أو اكتبه مباشرة:
/model sonnet.زي ما صار بالريل
نفس الأوامر، بترتيب صيد الـ bug. خلّيه يلاقي السبب قبل ما يلمس الكود.
5
صيد الـ bug بدقيقة: 6 خطوات
- افتحه بالمشروع:
claudeبمجلد المشروع، و/clearإذا كان في محادثة قديمة عن إشي ثاني. - ادخل وضع Plan: Shift + Tab لحد ما يطلع Plan، أو
/plan. هيك بيدوّر ويفهم بدون ما يعدّل ولا سطر. - أعطيه الخطأ كامل: انسخ رسالة الخطأ كلها مع الـ stack trace، وضيف الملف المشتبه فيه بـ
@. - خلّيه يلاقي السبب أول: بيقرأ الملفات وبيشرحلك ليش صار الخطأ وشو خطته. بتوافق على الخطة، وبعدها بيبلّش يعدّل.
- التصليح والـ tests: بيصلّح وبيشغّل الـ tests. إذا بدك تشوف بعينك:
! npm test. - سكّر صح: اطلب tests بتمنع نفس الخطأ يرجع، وبعدها
/clearقبل المهمة الجاية.
الـ prompt، الصقه مع الخطأ:
في bug: [شو المفروض يصير، وشو اللي بيصير فعلاً]
الخطأ كامل:
[الصق رسالة الخطأ مع الـ stack trace]
بيصير لما: [الخطوات اللي بتطلّع الخطأ]
قبل ما تعدّل أي إشي:
1. اقرأ الملفات المتعلقة واشرحلي السبب الحقيقي بجملتين.
2. إذا في أكثر من احتمال، رتّبهم من الأرجح، وجرّب تثبت الأول بـ test أو بتشغيل الكود.
بعد ما أوافق على السبب:
3. صلّح بأقل تغيير ممكن، وشغّل الـ tests.
4. ضيف test بيفشل بدون التصليح وبينجح معه.
5. أعطيني ملخص: السبب، شو تغيّر، وكيف أتأكد بإيدي.
6
أخطاء بتضيّع وقتك
1 · «ما بيشتغل» وبس
بدون رسالة الخطأ كاملة، Claude بيخمّن مثلك. الـ stack trace هو نص الحل.
2 · تصليح قبل السبب
إذا عدّل قبل ما يفهم، ممكن يخبّي الخطأ بدل ما يصلّحه. خلّيه يشرح السبب أول.
3 · محادثة وحدة لكل إشي
بعد ساعتين وخمس مهام، الـ context مليان وبيبلّش ينسى. /clear بين المهام.
4 · بدون tests
تصليح بدون test اليوم = نفس الـ bug الأسبوع الجاي. شوف دليل Tests قبل الكود.
?
أسئلة شائعة
بدي باقي الأوامر
في أكثر من 80 أمر، مرتّبين حسب الاستخدام، بـ دليل أوامر Claude Code المخفية. ابدأ بهدول الـ 12 وارجعله لما تحتاج.
بيعدّل ملفاتي بدون ما يسألني؟
بالوضع العادي بيسألك قبل كل تعديل. وضع قبول التعديلات بيوفّر الأسئلة، ووضع Plan بيخلّيه يخطط بدون تعديل. بتبدّل بينهم بـ Shift + Tab، وخلّي الكود على git لترجع لأي نسخة.
المشروع مش JavaScript
npm test مثال بس. بدّله بأمر الـ tests بمشروعك: pytest أو go test ./... أو غيره. و/init بيكتب هالأوامر بـ CLAUDE.md ليعرفها لحاله.
كيف أوزّع مشروع كامل على أكثر من مساعد؟
هاد شغل الـ subagents: واحد للكود، واحد للـ tests، واحد للمراجعة. الطريقة والملفات الجاهزة بـ دليل الـ Subagents.