شو الفرق عن تطبيق Claude العادي؟
تطبيق Claudeبتحكي معه، بيجاوبك، وإنت بتنفّذ: بتنسخ، بتفتح الملف، بتعدّل، بترجع تسأله. هو ما بيشوف جهازك.
Claude Codeبيشتغل جوّا مجلد على جهازك: بيقرأ الملفات اللي فيه، بيعدّلها، بيرتّبها، بيشغّل أوامر. وقبل كل تعديل بيسألك.
01
بيشوف ملفاتك
الصور، المستندات، الجداول، صفحات موقعك.
02
بينفّذ
بينقل، بيسمّي، بيعدّل، بيعمل ملفات جديدة.
03
بيسألك
قبل كل تعديل وقبل كل أمر. إنت بتوافق أو بترفض.
الكود موجود تحت، بس إنت ما بتلمسه. زي السيارة: فيها محرك، بس إنت بتسوق.
التثبيت والفتح
التثبيت أمر واحد وإله دليل لحاله. هون من بعد التثبيت.
1
افتحه بمجلد وخلّيه يسألك
- ثبّته مرة وحدة: أمر واحد حسب نظامك، بـ دليل التثبيت. بدك اشتراك Pro أو أعلى (الخطة المجانية ما فيها Claude Code).
- اعمل مجلد للتجربة على سطح المكتب، اسمه مثلاً claude-test، وحط فيه كم ملف: صور، ملف Word، جدول.
- افتح الطرفية بهالمجلد: على Windows افتح المجلد، اضغط بالزر اليمين على مكان فاضي واختار «Open in Terminal». على Mac افتح Terminal واكتب
cdوبعدها اسحب المجلد على النافذة. - اكتب
claudeواضغط Enter. أول مرة بيفتحلك المتصفح لتسجّل دخول. - أول سؤال: اكتب بالعربي «شو في بهالمجلد؟». بيقرأ الملفات وبيحكيلك. هاد كل شي.
الوضع الافتراضي هو الأأمن: بيقرأ لحاله، بس أي تعديل أو أمر بيسألك عليه أول. لما تشوف السؤال، اقرأ شو بدو يعمل ووافق بـ Enter أو ارفض. خلّيك على هالوضع أول أسبوع.
2
3 قواعد قبل أول أمر
- جرّب على نسخة. أول أسبوع اشتغل على مجلد التجربة أو على نسخة من ملفاتك، مش على الأصل. بعد ما تثق فيه، انقل للأصل.
- اطلب «اعرض قبل ما تنفّذ». لأي مهمة فيها نقل أو حذف أو تسمية: «اعرضلي شو رح تعمل بقائمة، واستنى موافقتي». هيك بتشوف الخطة قبل ما تصير.
- أي أمر حذف، اقراه بعينك. لما يسألك على أمر فيه كلمة rm أو Remove أو del، وقّف وشوف شو المسار. الباقي (قراءة، نسخ، نقل) آمن.
القصة اللي بتخليك تاخد القواعد بجد، وإعدادات الأمان الكاملة: دليل إعدادات الأمان.
من أول يوم
كل مهمة معها البرومت جاهز. انسخ، بدّل الأقواس، Enter.
3
المهام السبعة والبرومت الجاهز
1 · رتّب الصور المخربطة بمجلدات (تجربتي الحقيقية: 45 صورة بـ 4:42)
افتح Claude Code بمجلد الصور نفسه (أو ضيفه: claude --add-dir "C:\Users\اسمك\Pictures"):
بهالمجلد صور مخربطة. افتحها وشوف شو فيها، وقسّمها لمجلدات حسب الموضوع (مثلاً: عائلة، شغل، سكرين شوت، وثائق، مناسبات).
اعرضلي خطة التقسيم بالأول: اسم كل مجلد وكم صورة رح تروح عليه. بعد موافقتي انقل الصور (ما تحذف ولا تنسخ)، وبالآخر اعرضلي ملخص.
التفاصيل والنتيجة الحقيقية بـ دليل ترتيب الصور.
2 · سمّي الملفات بشكل مفهوم
الملفات بهالمجلد أسماؤها أرقام عشوائية (مثل IMG_2041 وDocument (3)). افتح كل ملف وافهم شو هو، واقترح اسم واضح بالعربي أو بالإنجليزي بصيغة: التاريخ-الموضوع.
اعرضلي جدول (الاسم القديم ← الاسم الجديد) واستنى موافقتي قبل التسمية.
3 · لخّص مستند طويل
اقرأ ملف [report.pdf] ولخّصه بالعربي: 5 نقاط أساسية، وبعدها أي تواريخ أو أرقام أو التزامات مذكورة فيه بجدول.
احفظ الملخص بملف اسمه summary-[report].md بنفس المجلد.
4 · عدّل صفحة بموقعك بالعربي (تجربتي الثانية بالريل)
افتحه بمجلد الموقع (الملفات اللي بتنرفع للاستضافة):
بالصفحة الرئيسية: غيّر العنوان الكبير لـ «[العنوان الجديد]»، وخلّي زر «تواصل معنا» أوضح (أكبر وبلون [اللون]).
لا تغيّر أي إشي تاني. اعرضلي التعديل قبل ما تحفظه، وبعدين احكيلي كيف أشوف النتيجة على جهازي قبل الرفع.
5 · نظّف جدول بيانات
افتح ملف [clients.xlsx]. فيه تكرارات وأرقام تلفون مكتوبة بأشكال مختلفة.
احذف التكرارات (نفس الإيميل أو نفس التلفون)، وحّد صيغة أرقام التلفون لـ [+962…]، ورتّب الأعمدة: الاسم، التلفون، الإيميل، المدينة.
احفظ النتيجة بملف جديد اسمه [clients-clean.xlsx]، ولا تلمس الملف الأصلي. وبالآخر احكيلي كم صف انحذف وليش.
6 · اعمل محتوى من ملاحظاتك
بملف [notes.txt] أفكار متناثرة عن [الموضوع]. حوّلها لـ: منشور لينكدإن (أقل من 150 كلمة)، وكابشن انستغرام (أقل من 80 كلمة)، و3 أفكار ريلز بسطر لكل وحدة.
بلهجتي [الأردنية الخفيفة]، بدون كلمات زي «في عالم اليوم». احفظهم بملف content-[date].md.
7 · نسخة احتياطية أسبوعية بكبسة
اعمللي ملف اسمه backup أقدر أضغطه مرتين، ينسخ مجلدات [المستندات] و[الصور] لـ [D:\Backup] (أو الفلاشة) بمجلد باسم تاريخ اليوم، وينسخ الملفات الجديدة أو المعدّلة بس.
اشرحلي بالعربي شو بيعمل سطر سطر قبل ما تحفظه، وجرّبه على مجلد صغير أول.
لاحظ القاسم المشترك: كل برومت فيه «اعرضلي قبل»، و«ما تلمس الأصل»، و«اشرحلي». هاي الثلاثة بتخلي أي مهمة آمنة حتى لو ما فهمت الكود اللي تحت.
الأوامر والعادات
في عشرات الأوامر. هدول الستة بتحتاجهم فعلاً.
4
6 أوامر بتكفيك
/clear
ابدأ محادثة جديدة.كل مهمة جديدة = محادثة جديدة. أسرع وأوضح وأقل استهلاك.
Esc
وقّفه وهو شغّال.غلط بالفهم؟ Esc، وصحّحله الطلب.
Esc Esc
ارجع لنقطة قبل التعديل (أو اكتب /rewind).بيحفظ نسخة قبل كل خطوة. عدّل إشي وما عجبك؟ ارجع.
Shift + Tab
بدّل الوضع: يسأل على كل شي ← يقبل تعديل الملفات لحاله ← يخطط بس بدون تعديل.وضع التخطيط ممتاز للمهام الكبيرة: بيشرح شو رح يعمل، وإنت بتوافق.
/add-dir
ضيف مجلد تاني للجلسة (مثلاً مجلد الصور وإنت بمجلد المستندات).بدونه بيشتغل بالمجلد اللي فتحته فيه بس.
/usage
قديش استهلكت من حدود اشتراكك.شيّكه مرة باليوم أول أسبوع عشان تعرف إيقاعك.
بدك تعرف كيف تلصق صورة أو سكرين شوت؟ على Windows Alt + V، على Mac Ctrl + V. وبتقدر تكتب مسار الصورة بالرسالة وبيفتحها. القائمة الأطول (12 أمر يومي) بـ دليل الأوامر اليومية، وكل الأوامر بـ الدليل الكامل.
5
عادات بتخليه يفهمك من أول مرة
- احكي النتيجة مش الطريقة. «بدي الصور مرتّبة حسب السنة» أحسن من «اعمل سكربت بايثون…». هو بيختار الطريقة.
- مهمة وحدة بالرسالة. ثلاث طلبات برسالة = خربطة. خلّص وحدة وابدأ التانية.
- اعطيه مثال. «سمّي الملفات هيك: 2026-10-30-فاتورة-كهربا.pdf». المثال أوضح من أي شرح.
- اسأله «شو عملت؟» بآخر كل مهمة. بيعطيك قائمة الملفات اللي تغيّرت، وبتراجعها.
- اكتب مين إنت مرة وحدة. اكتب
/initبمجلدك وبيعمل ملف CLAUDE.md: اكتب فيه بالعربي شغلك ولهجتك وقواعدك («ما تحذف بدون إذني»). بيقرأه بأول كل محادثة. القالب بـ دليل CLAUDE.md.
6
أخطاء المبتدئين
تفتحه بالجذر أو بسطح المكتب كاملبيشوف كل شي، وبيصير بطيء، وأي غلطة بتطال ملفات مهمة.
افتحه بمجلد المهمةمجلد الصور للصور، مجلد الموقع للموقع. وضيف مجلد تاني بـ /add-dir لو احتجت.
توافق على كل شي بدون قراءةبتكبس Enter بسرعة عشان يخلص، وبعدين بتكتشف إنه نقل ملف غلط.
اقرأ سطر السؤالثانيتين. وإذا كان نقل أو حذف شوف المسار. وفي Esc Esc للرجوع.
تشتغل على الأصل من أول يومملفات الشغل الحقيقية بأول تجربة.
نسخة أول أسبوعوبعدها الأصل مع «اعرضلي قبل». القاعدة 1 بالقسم 2.
تحكي معه زي محرك بحث«ترتيب صور» وبس. ما بيعرف شو بدك.
احكي معه زي موظف جديدشو بدك، شو ما بدك، ومثال. البرومتات بالقسم 3 مكتوبة هيك.
?
أسئلة شائعة
لازم أتعلم أوامر الطرفية؟
لا. بدك أمرين بس: cd للدخول على مجلد (أو «Open in Terminal» بالزر اليمين)، وclaude لتشغيله. الباقي بالعربي جوّا Claude Code.
بيفهم العربي منيح؟
إيه، واللهجة كمان. كل البرومتات بهالدليل جرّبتها بالعربي. الأسماء التقنية (أسماء الملفات، الأوامر) خلّيها زي ما هي.
ليش ما أستعمل تطبيق Claude وبس؟
للكتابة والأسئلة التطبيق كافي. Claude Code لما المهمة على ملفاتك: ترتيب، تسمية، تعديل، تحويل. وبتقدر تستعمل الاثنين: فكّر بالتطبيق، نفّذ بـ Claude Code.
ممكن يخرب جهازي؟
بالوضع الافتراضي بيسألك قبل أي تعديل أو أمر، وبيحفظ نسخة قبل كل خطوة (Esc Esc للرجوع). الخطر الوحيد إنك توافق على أمر حذف بدون قراءة. القواعد الثلاثة بالقسم 2 بتكفي.
بقدر أشغّله بأمر واحد بدون محادثة؟
إيه: claude -p "لخّص ملف report.pdf بخمس نقاط" بينفّذ وبيطلّع النتيجة وبيسكّر. مناسب للمهام المتكررة.
شو بعد الأسبوع الأول؟
خلّيه يحفظ المهام المتكررة كـ Skills (دليل أول Skill)، واقرأ 5 مهام للذكاء الاصطناعي لأفكار شغل أكثر.