شو بيروح… وشو بيضل
موظف قلّي: «أنا 3 ساعات باليوم بس بنسّق إيميلات». هاد أول شي بيختفي. مش لأن الـ AI أذكى منه، لأن الشغلة متكررة ولها نمط. كل شي له نمط بيروح. كل شي بيحتاج حكم أو ثقة أو تشغيل بيضل.
| بيروح للـ AI | بيضل إلك |
|---|---|
| صياغة الإيميل وتنسيقه | قرار شو تقول فيه ولمين |
| جمع الأرقام بتقرير | قراءة التقرير واتخاذ القرار |
| تلخيص 40 صفحة | معرفة شو المهم فيها لشغلك |
| الرد على نفس السؤال للمرة المية | العلاقة اللي بتخلي الزبون يرجع |
| نقل البيانات بين الملفات | تشغيل الأداة ومراجعة نتيجتها |
ابدأ بالمهمة اللي بتاكل أكثر وقت عندك. مهمة وحدة بكرة، مش الخمسة.
صياغة وتنسيق الإيميلات
إنت بتعرف شو بدك تقول. الوقت بيروح على الصياغة والترتيب والنبرة. اكتب النقاط كيفما كانت، وخلّيه يرتّبها بصوتك إنت:
اكتبلي إيميل من هالنقاط. النبرة: [رسمية / ودّية / مختصرة]. المستلم: [مدير / زبون / زميل]. الهدف: [اللي بدي ياه يعمله بعد ما يقرأ].
قواعد: فقرات قصيرة، بدون مقدمات طويلة، آخر سطر طلب واضح واحد. اكتب 3 خيارات لسطر العنوان.
النقاط:
[اكتبها كيفما كانت]
نصيحة: اعطيه مرة وحدة 3 إيميلات كتبتها إنت وقلّه «هاد أسلوبي، التزم فيه». من بعدها كل إيميل بيطلع بصوتك.
التقرير الأسبوعي
التقرير مش تفكير، التقرير تجميع. الأرقام موجودة عندك بملاحظات وجداول ورسائل. ارميها كلها وخلّيه يطلّع الهيكل الثابت اللي مديرك متعوّد عليه:
جهّزلي تقرير أسبوعي من هالمعطيات بنفس الهيكل كل مرة:
1) ملخص بثلاث جمل. 2) الإنجازات (أرقام). 3) المشاكل وشو عملنا فيها. 4) خطة الأسبوع الجاي. 5) شو بحتاج من الإدارة.
القواعد: الأرقام زي ما هي بدون تقريب، لا تخترع أي معلومة ناقصة واكتب مكانها [ناقص]، الطول صفحة واحدة.
المعطيات:
[الصق الملاحظات والأرقام والرسائل]
مع Cowork: قلّه «اقرأ ملفات هذا الأسبوع من فولدر التقارير وجهّز التقرير بنفس القالب» وما بتلصق شي.
تلخيص الملفات والاجتماعات
ملف 40 صفحة، أو تسجيل اجتماع ساعة. اللي بدك ياه منه 10 أسطر: شو تقرّر، مين عليه شو، وشو المخاطر. اطلبها بهالشكل بالضبط:
لخّصلي هالمحتوى لشخص ما عنده وقت يقرأه:
1) الخلاصة بثلاث جمل. 2) القرارات اللي اتخذت. 3) المهام: مين عليه شو، ومتى. 4) الأسئلة المفتوحة والمخاطر. 5) شي لازم أنتبه له ولو ما انذكر بوضوح.
اقتبس الجملة الأصلية جنب أي قرار أو رقم. إذا شي مش واضح بالمصدر اكتب [غير واضح] بدل ما تخمّن.
المحتوى:
[الصق النص أو ارفع الملف]
ملف PDF طويل؟ حوّله لنص قبل ما ترفعه عشان ما يحرق رصيدك: الطريقة بـ دليل الـ limit.
الردود المتكررة على العملاء
80% من رسائل العملاء هي نفس 10 أسئلة. اعمل مشروع بـ Claude، حط فيه الأسئلة وأجوبتها المعتمدة مرة وحدة، وبعدها الصق أي رسالة:
هاي رسالة من عميل. اكتبلي رد عليها بالاعتماد فقط على الأجوبة المعتمدة اللي بالمشروع.
القواعد: النبرة [ودّية ومختصرة]، ابدأ بالجواب مش بالترحيب الطويل، لا تعد بشي مش موجود بالأجوبة المعتمدة، وإذا السؤال مش مغطى اكتب «يحتاج رد يدوي» بدل ما تخترع.
الرسالة:
[الصق رسالة العميل]
إدخال البيانات وتنظيف الإكسل
نقل أرقام من إيميلات لجدول، توحيد صيغة التواريخ، حذف التكرار، تصحيح الأسماء. شغل ممل وله نمط واضح، يعني مثالي للـ AI:
نظّف هالجدول وطلّعلي نسخة جديدة:
1) وحّد صيغة التواريخ لـ [يوم/شهر/سنة]. 2) احذف الصفوف المكررة (نفس الاسم والرقم). 3) وحّد كتابة الأسماء والمدن. 4) الخلايا الفاضية املأها بـ [غير متوفر] ولا تخمّن. 5) بالآخر اكتبلي قائمة بكل تعديل عملته وعدده.
لا تغيّر أي رقم. لو شفت رقم غريب (مثلاً سعر صفر أو تاريخ بالمستقبل) حطّه بقائمة «راجعني».
الجدول:
[الصق الجدول أو ارفع ملف الإكسل]
مع Cowork: «افتح ملف المبيعات بفولدر أكتوبر، نظّفه بهالقواعد، واحفظ نسخة جديدة باسم clean». بيشتغل على الملف مباشرة. التفاصيل بـ دليل Claude مع Excel.
الوقت اللي بتوفّره مش عشان ترتاح، عشان تستثمره بالثلاثة اللي ما بتروح.
اللي بيضل إلك — وكيف تقوّيه
خطة الأسبوع الأول
- اليوم 1اختار مهمة وحدة من الخمسة، اللي بتاكل أكثر وقت. جرّب برومبتها على شغلة حقيقية من شغلك.
- اليوم 2-3عدّل البرومبت على ذوقك (النبرة، الهيكل، الممنوعات) واحفظه بمكان ثابت: ملاحظة، أو Project بـ Claude.
- اليوم 4-5ضيف المهمة التانية. لا تضيف تالتة قبل ما الأولى تصير عادة.
- نهاية الأسبوعاحسب الوقت اللي وفّرته. حطّه الأسبوع الجاي بقرار أو زبون أو تعلّم الأداة أعمق.