الخمس عادات اللي بتفضح الـ AI
كل واحد سطر أو سطرين. بتقدر تبعتهم مع بعض أو كل واحد لحاله حسب المشكلة.
اعطيه مثال من كتابتك
خمس جمل من كتابتك أنت بتكفي عشان يقلّد إيقاعك ومفرداتك. مش لازم تكون عن نفس الموضوع، المهم إنها بصوتك.
هاي 5 جمل من كتابتي. قلّد الإيقاع والمفردات، مش الموضوع.
بعدها الصق الجمل الخمسة، ثم طلبك. خدها من رسالة واتساب كتبتها، أو منشور قديم، أو إيميل. اللي بيفرق هو إنها طبيعية مش منقّحة.
فقرات بس، بدون قوائم
القوائم أول شي بيفضح الـ AI. الإنسان لما يشرح شي لصاحبه بيكتب فقرات، مش نقاط وعناوين فرعية.
فقرات بس. بدون نقاط، بدون عناوين، بدون bold.
• نام 8 ساعات
• اقفل الإشعارات
• ابدأ بأصعب مهمة
نوّع طول الجمل
الإيقاع هو اللي بيفضح الآلة. جملة طويلة فيها تفصيل، وبعدها جملة قصيرة بتضرب الفكرة. هيك بيكتب الناس.
نوّع طول الجمل: جملة طويلة بعدها جملة قصيرة.
احذف الافتتاحيات
لا «بالتأكيد»، ولا «في عالم اليوم»، ولا «من الجدير بالذكر». أول جملة لازم تكون الفكرة نفسها.
ابدأ من الفكرة مباشرة. ممنوع: بالتأكيد، في عالم اليوم، من الجدير بالذكر.
ضيف على القائمة الجمل اللي بتزعجك إنت: «في هذا المقال سنتناول»، «دعونا نستكشف»، «لا يخفى على أحد»… كل ما طوّلت القائمة، كل ما نضف النص.
اقرأه بصوت عالٍ
أقوى برومبت بالقائمة. بتخلّيه يراجع نصه بمعيار واحد: هل هالجملة بتنقال بحديث عادي؟ لو لأ، بتنحذف.
اقرأ النص بصوت عالٍ واحذف أي جملة ما بتنقال بحديث عادي.
هدول ما كانوا بالمنشور. أصغر، بس بيسكّروا الفجوات اللي بتضل بعد الخمسة الأولى.
الخمسة الإضافية
6 · كلمة واحدة لكل فكرة بيصلّح: التكرار
ما تكرر نفس المعنى بصيغتين.
7 · بدون خاتمة بيصلّح: التلخيص بالآخر
لا تلخّص بآخر النص. خلّص عند آخر فكرة.
8 · بدون اختراع بيصلّح: الآراء المصطنعة
إذا ما عندك رأي، قول ما عندي.
9 · صيغة المتكلم بيصلّح: الحياد البارد
لما يكون رأي، اكتبه بصيغة المتكلم.
10 · قصّ 20% بيصلّح: الحشو
بعد ما تخلّص: احذف 20% من الكلمات.
| # | البرومبت | إمتى تحتاجه أكتر |
|---|---|---|
| 6 | كلمة واحدة لكل فكرة | المقالات الطويلة والتقارير |
| 7 | بدون خاتمة | الإيميلات والمنشورات القصيرة |
| 8 | بدون اختراع | أي نص فيه رأي أو تقييم |
| 9 | صيغة المتكلم | المحتوى الشخصي والبراند الشخصي |
| 10 | قصّ 20% | دايماً، كآخر خطوة |
بدل ما تلصق عشر أسطر بكل محادثة، ثبّتها مرة.
الكل بملف واحد
العشرة مع بعض، جاهزة للصق بأول الرسالة أو بإعدادات المشروع:
قواعد الأسلوب — طبّقها على كل نص تكتبه:
1. هاي 5 جمل من كتابتي (تحت). قلّد الإيقاع والمفردات، مش الموضوع.
2. فقرات بس. بدون نقاط، بدون عناوين، بدون bold.
3. نوّع طول الجمل: جملة طويلة بعدها جملة قصيرة.
4. ابدأ من الفكرة مباشرة. ممنوع: بالتأكيد، في عالم اليوم، من الجدير بالذكر.
5. اقرأ النص بصوت عالٍ واحذف أي جملة ما بتنقال بحديث عادي.
6. ما تكرر نفس المعنى بصيغتين.
7. لا تلخّص بآخر النص. خلّص عند آخر فكرة.
8. إذا ما عندك رأي، قول ما عندي.
9. لما يكون رأي، اكتبه بصيغة المتكلم.
10. بعد ما تخلّص: احذف 20% من الكلمات.
جمل من كتابتي:
[الصق 5 جمل هون]
English version — لو بتكتب بالإنجليزي:
Style rules, apply to everything you write:
1. Here are 5 sentences I wrote (below). Copy the rhythm and vocabulary, not the topic.
2. Paragraphs only. No bullet points, no headings, no bold.
3. Vary sentence length: a long sentence, then a short one.
4. Start with the idea itself. Banned openers: Certainly, In today's world, It is worth noting.
5. Read the text out loud and delete any sentence nobody would say in conversation.
6. One idea, one wording. Never restate the same point twice.
7. No closing summary. Stop at the last idea.
8. If you have no opinion, say so.
9. When it is an opinion, write it in the first person.
10. When done, cut 20% of the words.
My sentences:
[paste 5 sentences here]
ثبّتها بـ CLAUDE.md أو بالمشروع
Claude Code
حطّها بملف CLAUDE.md بجذر المشروع تحت عنوان «الأسلوب». بتنقرأ بكل جلسة لحالها:
## الأسلوب
- فقرات بس. بدون نقاط، بدون عناوين، بدون bold.
- نوّع طول الجمل: طويلة بعدها قصيرة.
- ابدأ من الفكرة مباشرة. ممنوع: بالتأكيد، في عالم اليوم، من الجدير بالذكر.
- اقرأ النص بصوت عالٍ واحذف أي جملة ما بتنقال.
- ما تكرر نفس المعنى بصيغتين، ولا تلخّص بالآخر.
- إذا ما عندك رأي قول ما عندي، ولما يكون رأي اكتبه بصيغة المتكلم.
- بعد ما تخلّص: احذف 20% من الكلمات.
- جمل من كتابتي للإيقاع: [5 جمل]
تطبيق Claude (الشات)
- Projects: اعمل مشروع «كتابة» وحطّ القواعد بخانة التعليمات (Project instructions). كل محادثة جوّاه بتلتزم فيها.
- Styles: من قائمة الأسلوب تحت مربع الكتابة، اعمل Custom style والصق القواعد. بيشتغل بأي محادثة بضغطة.