ليش Claude Code بدل النسخ واللصق؟
المحادثة العاديةبتنسخ الكود للمحادثة، بتشرح وين الملفات، بتنسخ الجواب، بتلصقه بالمكان الصح، بتشغّل، بيطلع خطأ… وبترجع تنسخ.
Claude Codeبيشتغل جوّا مجلد مشروعك من الـ terminal. بتحكيله شو بدك، وهو بيلاقي الملفات وبيعدّلها وبيشغّل الأوامر، وإنت بتوافق وبتراجع.
01
بيقرأ الملفات
ما بتشرحله المشروع، هو بيشوفه.
02
بيعدّل
بالمكان الصح، وبيسألك قبل ما يعدّل.
03
بيشغّل الأوامر
الـ tests والتشغيل، وبيصلّح اللي بيطلع.
5 دقايق ومرة وحدة
ما بدك صلاحيات مدير ولا إعدادات معقدة. أمر واحد حسب نظامك.
1
قبل ما تبلّش: الحساب والجهاز
| بدك | التفاصيل |
|---|---|
| حساب | اشتراك Claude مدفوع (Pro أو Max أو Team أو Enterprise)، أو حساب Claude Console بالدفع حسب الاستخدام. الخطة المجانية ما فيها Claude Code. |
| النظام | macOS 13 أو أحدث، Windows 10 (إصدار 1809) أو أحدث، Ubuntu 20.04 أو Debian 10 أو أحدث |
| الجهاز | رام 4 GB أو أكثر، وإنترنت |
| Windows | ما بدك صلاحيات مدير. ويُفضّل تثبيت Git for Windows (اختياري): معه Claude بيستخدم Git Bash، وبدونه بيستخدم PowerShell. |
2
ثبّته (مرة وحدة)
افتح الـ terminal والصق الأمر حسب نظامك:
Mac / Linux / WSL
curl -fsSL https://claude.ai/install.sh | bash
Windows — PowerShell
irm https://claude.ai/install.ps1 | iex
Windows — CMD
curl -fsSL https://claude.ai/install.cmd -o install.cmd && install.cmd && del install.cmd
طرق ثانية (اختياري)
- Homebrew على Mac:
brew install --cask claude-code - WinGet على Windows:
winget install Anthropic.ClaudeCode - npm:
npm install -g @anthropic-ai/claude-code(بدها Node.js 22 أو أحدث، وبدون sudo)
ليش الأمر الأول أفضل؟ طريقة التثبيت الأساسية (الأوامر فوق) بتحدّث Claude Code لحالها بالخلفية. Homebrew وWinGet ما بيحدّثوا لحالهم، بدك تحدّث بإيدك.
3
تأكد إنه انضاف
سكّر الـ terminal وافتح واحد جديد، وبعدها اكتب:
claude --version
إذا طلعلك رقم نسخة، تمام. إذا طلعلك command not found أو 'claude' is not recognized، روح على القسم 6، الحل سطر واحد.
جوّا مشروعك
من هون وطالع، ولا نسخ ولا لصق.
4
شغّله وسجّل دخول
ادخل مجلد مشروعك وشغّله:
cd my-project
claude
- أول مرة: بيفتحلك المتصفح لتسجّل دخول بحساب Claude أو Console. إذا ما فتح المتصفح، اضغط
cلينسخلك رابط الدخول. - بدك تغيّر الحساب؟ اكتب
/loginجوّا الجلسة، و/statusبيوريك بأي حساب داخل. - ما عندك مشروع؟ اعمل مجلد فاضي وادخله، وClaude بيقدر يبنيلك المشروع من الصفر.
5
أول خطوتين جوّا مشروعك
الخطوة الأولى: خلّيه يعرف مشروعك. بيجهّز ملف CLAUDE.md فيه شرح المشروع، وبيقرأه بأول كل محادثة:
/init
الخطوة الثانية: أول سؤال. بتقدر تكتبه بالعربي أو بالإنجليزي:
what does this project do?
explain the folder structure
where is the main entry point?
وبعدها: أول مهمة بدون نسخ ولصق
ضيف [ميزة صغيرة، مثلاً: زر «تواصل معنا» بأسفل الصفحة الرئيسية].
لاقي الملفات المناسبة لحالك، واتبع نفس أسلوب الكود الموجود.
بعد ما تخلّص شغّل المشروع أو الـ tests لتتأكد إنه ما في إشي خرب، وأعطيني قائمة بالملفات اللي تغيّرت.
رح يسألك قبل كل تعديل: هاد الوضع العادي. اقرأ شو بدو يعمل ووافق. ولما ترتاح، Shift + Tab بيبدّل لوضع قبول التعديلات. باقي الأوامر اليومية بـ دليل الـ 12 أمر.
6
إذا علق: المشاكل الشائعة وحلها
أول إشي دايماً: هاد الأمر بيفحص التثبيت وبيحكيلك شو الغلط:
claude doctor
| المشكلة | الحل |
|---|---|
| command not found: claude | الـ terminal مش لاقي البرنامج. على Mac/Linux نفّذ الأمر تحت وافتح terminal جديد. (إذا بتستخدم bash بدّل ~/.zshrc بـ ~/.bashrc.) |
| 'claude' is not recognized | على Windows: ضيف %USERPROFILE%\.local\bin لـ PATH من Environment Variables (متغيرات المستخدم)، وافتح terminal جديد. |
| 'irm' is not recognized | إنت بـ CMD مش PowerShell. استخدم أمر CMD فوق، أو افتح PowerShell. |
| The token '&&' is not valid | إنت بـ PowerShell. استخدم أمر PowerShell (irm …). |
| EACCES مع npm | ما تستخدم sudo. ثبّت بالأمر الأساسي (curl … install.sh) بدل npm. |
| running scripts is disabled | على Windows مع npm: نفّذ الأمر تحت بـ PowerShell، أو ثبّت بأمر PowerShell الأساسي. |
| مشكلة بتسجيل الدخول | جرّب /login مرة ثانية، وتأكد إن حسابك مدفوع أو Console. |
Mac / Linux — PATH
echo 'export PATH="$HOME/.local/bin:$PATH"' >> ~/.zshrc && source ~/.zshrc
Windows — running scripts is disabled
Set-ExecutionPolicy -ExecutionPolicy RemoteSigned -Scope CurrentUser
?
أسئلة شائعة
بدي أكون مبرمج؟
لا، بس لازم تعرف تفتح terminal وتدخل مجلد. والأحسن تقرأ شو بيعمل قبل ما توافق، وتطلب منه يشرحلك أي إشي مش واضح.
في نسخة لـ VS Code؟
إيه: إضافة «Claude Code» من Anthropic بالـ Extensions (بدها VS Code 1.94 أو أحدث). الإضافة فيها نسخة خاصة فيها، فإذا بدك أمر claude بالـ terminal كمان، ثبّته بالخطوة 2.
كيف أحدّثه؟
بالأمر الأساسي بيتحدّث لحاله. بدك تحدّث هلأ؟ claude update. ومع Homebrew: brew upgrade claude-code، ومع WinGet: winget upgrade Anthropic.ClaudeCode.
بالخطة المجانية ما بيشتغل؟
صح، Claude Code مش ضمن الخطة المجانية. بدك Pro أو أعلى، أو حساب Console بتدفع فيه حسب الاستخدام.