انسخ أي تطبيق بـ Claude Code: Replica، الرابط والخطوات والـ 11 skill — ضياء البوزان

شو هي Replica بالضبط؟

الرابط: github.com/Jakeschincariol/replica-skill (رخصة MIT، بدون تسجيل ولا مفتاح API ولا أي اتصال بخدمة؛ 6,696 نجمة يوم 2026-10-31، أُنشئ 2026-10-03، صاحبه Jake Schincariol).

مش برنامج ومش «هندسة عكسية» بتسرق كود. هي 11 skill لـ Claude Code بتشتغل ورا بعض: كل وحدة بتكتب نتيجتها بمجلد replica/ جوّا مشروعك، واللي بعدها بتقرأها. إنت بتوجّهها على تطبيق موجود، وهي بتحلّل شو بيعمل، وبتبني نسخة بالميزات نفسها، وبتعطيها هوية جديدة.

تحليل

الشاشات، الـ flows، المكوّنات، نموذج البيانات… وتقييمات الناس الحقيقية.

بناء

تصميم، شاشة شاشة، backend، اختبارات، ومقارنة بالأصل.

هوية

اسم وألوان ولوغو جداد، صفحة هبوط، ونشر على دومينك.

الميزة اللي بتفرقها عن «ابنيلي تطبيق زي X»: الـ skill اللي اسمها entrepreneur بتقرأ تقييمات المستخدمين الحقيقية على App Store وG2 وCapterra وReddit، وبتحوّل الشكاوى المتكررة لإصلاحات بنسختك. يعني ما بتنسخ التطبيق بس، بتنسخه أحسن بالنقاط اللي الناس كارهينها.

الـ skills بشكل عام (شو هي وكيف بتنحمّل): دليل الـ Skills.

دقيقة

بدك Claude Code مثبّت (دليل التثبيت) وPython 3.8 أو أحدث. ما في pip install.

التركيب بأمرين (أو يدوياً)

الطريقة الرسمية (جوّا Claude Code، كإضافة من الـ marketplace)

/plugin marketplace add Jakeschincariol/replica-skill
/plugin install replica-skill@replica-skill

يدوياً (نسخ الـ skills لمجلد حسابك)

git clone https://github.com/Jakeschincariol/replica-skill.git
cp -r replica-skill/replica-* ~/.claude/skills/

فرق مهم بين الطريقتين: كإضافة، Claude Code بيحط اسم الإضافة قبل الأمر، فبتكتب /replica-skill:replica-recon. بالنسخ اليدوي الأوامر بتصير قصيرة: /replica-recon. الدليل هاد بيستعمل الصيغة القصيرة.
أسهل طريقة بالـ README: الصق رابط المستودع بـ Claude Code واكتب تحته install skill، وهو بيركّبها.
لمشروع واحد بس: انسخ نفس المجلدات لـ .claude/skills/ جوّا المشروع بدل مجلد الحساب.
تأكد: افتح جلسة جديدة بـ /clear واكتب /replica: لازم تظهرلك الأوامر الـ 11 بالاقتراحات.
المتطلبات: Python 3.8 أو أحدث (ست أدوات صغيرة بمكتبة Python الأساسية، ولا وحدة بتتصل بالإنترنت). ما بدك تثبّت حزم. الاختبارات اللي بيكتبها لنسختك بصيغة Playwright، فبدك Node إذا بدك تشغّلها.
ما عندك Claude Code؟ الصق محتوى أي ملف SKILL.md بأول محادثة بتطبيق Claude وبيشتغل كـ «وضع»: بتخسر الأدوات، بس الطريقة بتشتغل.

11 أمر بالترتيب

كل أمر بيقرأ مخرجات اللي قبله. ما تقفز.

الـ 11 skill بالترتيب

/replica-recon

بيحلّل التطبيق: الشاشات، الـ flows، المكوّنات، نموذج البيانات.من الصفحات العامة، وسكرينشوتات بتعطيه ياها، وحسابك إذا عندك.

/replica-architect

بيخطّط الـ stack وقاعدة البيانات والـ API.بمثال الـ README اختار Next.js وPostgres وStripe وResend؛ بتقدر تفرض الـ stack اللي بتعرفه.

/replica-design

بيعيد بناء نظام التصميم كـ tokens بأصولك إنت (ألوان، خطوط).

/replica-build

بيبني التطبيق شاشة شاشة.

/replica-backend

تسجيل الدخول، قاعدة البيانات، الدفع، التكاملات.

/replica-test

بيكبس على كل flow وبيسجّل الأخطاء حسب خطورتها.

/replica-diff

بيقارن نسختك بالأصل: درجة تطابق من 100 وشو ناقص.بمثال الـ README: الميزات 86، كل الأساسيات موجودة، الناقص ميزتين. ميزة أساسية ناقصة = «مش جاهز للنشر» وبيقولها.

/replica-entrepreneur

بيقرأ تقييمات المستخدمين الحقيقية (App Store، G2، Capterra، Reddit) وبيحوّل الشكاوى لإصلاحات.كل اقتباس مربوط بمصدره؛ ما بيخترع تقييمات.

/replica-brand

اسم وهوية جديدة عشان تصير إلك.إجباري: deploy ما بينشر قبل ما يتأكد إنه ما ضل أثر من اسم الأصل.

/replica-launch

صفحة هبوط، تسعير، وصف المتجر.

/replica-deploy

بينشرها على دومينك.

أول برومت: ابدأ بـ recon

اعمل مجلد فاضي لمشروعك، افتح فيه Claude Code، واكتب أول أمر مع رابط التطبيق (الـ README بيقول: «/replica-recon مع رابط التطبيق»؛ بيقرأ مركز المساعدة وصفحة الأسعار وصفحة المتجر والشروحات العامة، وإنت بتتنقّل معه بحسابك):

/replica-recon https://app.example.com

بدك توجّهه بالعربي؟ ضيف جملة بعد الرابط:

/replica-recon https://app.example.com
التطبيق هاد بدفع اشتراكه لإدارة مواعيد عيادة. حلّل الشاشات والـ flows الأساسية بس (الحجز، التذكير، الدفع)، وتجاهل الإعدادات المتقدمة. اعرضلي الخلاصة بالعربي قبل ما تنتقل للأمر التالي.

الصفحات العامة بس: recon بيشوف اللي يقدر يوصله. عندك حساب بالتطبيق؟ خذ سكرينشوتات للشاشات الداخلية وحطها بمجلد المشروع، وقوله يقرأها.
«الأساسية بس»: أول مرة لا تنسخ 40 شاشة. 5 لـ 8 شاشات بتطلع نسخة بتشتغل بيوم.
«اعرضلي قبل ما تنتقل»: كل أمر بيسألك على القرارات اللي بتخصّك (الـ stack، الدفع، الاسم). اقرأ شو قرّر قبل ما تكمّل.

من التحليل للنشر: كيف بتمشي الجلسة

recon بيطلّعلك خريطة التطبيق: كم شاشة، كم flow، شو البيانات. إنت بتشطب اللي ما بدك ياه.
architect + design بيقرّروا الـ stack والتصميم. إنت بتعطيه ألوانك وخطك من الأول (أو ملف brand.md).
build + backend بيبنوا شاشة شاشة. هون أطول خطوة؛ خلّي /usage قدّامك.
test + diff بيفحصوا وبيقارنوا بالأصل. درجة 70 من 100 بميزات أساسية شغّالة أحسن من 95 بشي ما بيشتغل.
entrepreneur بيقرأ شكاوى المستخدمين الحقيقية وبيقلّك شو تصلّح. هاد اللي بيخلي نسختك أحسن مش بس شبيهة.
brand + launch + deploy اسم جديد، صفحة هبوط، ونشر. إنت بتوقّع على الاسم والسعر والدومين.

الاستهلاك: نسخ تطبيق كامل مشروع من كم ساعة لكم يوم، وبياكل من حدود اشتراكك أكثر من أي مهمة عادية (كل skill محادثة طويلة). ابدأ بتطبيق صغير أو بجزء من تطبيق، وقسّم الشغل على كم جلسة. النصايح لتوفير الحدود بـ دليل الـ limit.

السطر القانوني

من الـ README نفسه، ومن الريل: نسخ = الميزات وطريقة الشغل.

شو مسموح تنسخ وشو لا

مسموح (هاد اللي بتعمله Replica)الميزات وطريقة الشغل: إنه في حجز مواعيد، وتذكير، وتقارير. الأفكار العامة ما حدا بيملكها، وأي تطبيق بالسوق إله منافسين بنفس الميزات.

ممنوعالمحتوى (كتالوج تطبيق موسيقى، مقالات موقع)، الاسم والعلامة التجارية واللوغو، الكود المصدري، ونصوص الواجهة حرفياً. والـ skill نفسها بترفض تقرأ كود الموقع (JavaScript bundles) أو الـ API الخاصة أو تدخل ورا جدار دفع أو حساب حدا تاني.

بتقرأ اللي مسموحلك تقرأه بس: الصفحات العامة وحسابك إنت. وإذا شروط حسابك بتمنع استعماله لبناء منافس، بتقلّك وبتكتفي بالمصادر العامة.
brand إجباري: عشان هيك الـ skill ما بتخلّيك تنشر بنفس الاسم والألوان. نسختك لازم تبين تطبيق تاني، وفي فحص علامات تجارية بتعمله قبل الإطلاق.
ما في نسخة «مثالية»: النتيجة حسب تعقيد التطبيق. الـ README نفسه بيقول هيك.
القوانين ببلدك: حقوق الملكية والمنافسة بتختلف. إذا نسختك رح تصير منتج تجاري، اسأل محامي قبل الإطلاق. الأداة للبناء، مش للسرقة.

أخطاء بتضيّع الجهد

تبدأ بتطبيق ضخمNotion أو Salesforce من أول مرة. 200 شاشة، وبتخلص حدودك قبل ما تشوف شاشة بتشتغل.

تطبيق صغير أو جزءأداة بـ 5 لـ 8 شاشات، أو الـ flow الأساسي بس من تطبيق كبير.

تقفز للـ build مباشرةبدون recon وarchitect بيبني من تخمينه، وبيطلع شي تاني.

بالترتيبكل skill بتقرأ اللي قبلها من مجلد replica/. الترتيب هو الطريقة.

تتجاهل entrepreneurبتطلع نسخة شبيهة بنفس العيوب اللي الناس كارهينها.

شغّله واقرأ الشكاوىهاي الميزة الوحيدة اللي بتعطيك سبب يخلّي حدا يترك الأصل ويجيك.

تنشر بدون brandنفس الاسم والألوان = مشكلة قانونية وحظر من المتاجر.

اسم وهوية جدادالـ skill بتعملها، وإنت بتوقّع عليها قبل launch.

أسئلة شائعة

لازم أكون مبرمج؟

لا لتشغيلها: الأوامر بتسأل وإنت بتجاوب بالعربي. بس عشان تطلّع منتج حقيقي بدك تفهم شو طلع (تقرأ شاشاته، تجرّبها، تعرف وين الـ backend). ابدأ بـ دليل غير المبرمجين إذا هاي أول مرة.

قديش بتكلّف؟

المكتبة مجانية (MIT). التكلفة هي اشتراك Claude Code (Pro فما فوق) واستهلاكه: تطبيق صغير ممكن ياخد جلسة أو جلستين، تطبيق كبير أيام. الاستضافة والدومين عليك بـ deploy.

بتقدر تنسخ تطبيق موبايل؟

recon بيحلّل اللي يقدر يشوفه: صفحات ويب عامة وسكرينشوتات بتعطيه ياها. تطبيق موبايل بدك تصوّر شاشاته وتحطها بالمجلد. والنسخة اللي بتطلع تطبيق ويب غالباً، إلا إذا طلبت stack موبايل بـ architect.

شو الفرق عن إني أقول لـ Claude Code «ابنيلي تطبيق زي X»؟

الجملة الوحدة بتعطيك تخمين. Replica بتفرض منهج: تحليل موثّق، قرارات معمارية، بناء، اختبار، مقارنة بالأصل، وقراءة شكاوى المستخدمين الحقيقية. وبتخلّي كل خطوة مكتوبة بملفات بتقدر تراجعها.

بقدر أعدّل الـ skills على طريقتي؟

إيه، كل skill ملف SKILL.md نصي. ضيف قواعدك (لغة الواجهة عربي، الـ stack اللي بتعرفه، ألوانك). كيف تكتب skill إلك من الصفر: دليل أول Skill.