ليش Claude Code مش Canva؟
Canvaقالب جاهز، بتبدّل الألوان سلايد سلايد، بتدوّر على صورة إلك، بتكتب النص بإيدك 8 مرات… وبالآخر شكله زي كاروسيل أي حدا.
Claude Codeبيقرأ هويتك (ألوان، خط، صورك بمجلد)، بيكتب النص بلهجتك، بيبني السلايدات بالكود، وبيصدّرها صور. والمرة الجاية بيعيدها بنفس الهوية بجملة وحدة.
01
النص أول
بيكتب الـ 8 سلايدات وبيعرضها عليك قبل أي تصميم.
02
هويتك ثابتة
نفس الألوان والخط والصور بكل سلايد، بدون ما تلمس إشي.
03
صور جاهزة
8 ملفات PNG بمقاس انستغرام، مرتّبة بالترتيب، ومعها كابشن.
الفكرة نفسها بتشتغل للريلز: الريل اللي عمله Claude بالكود إله دليل لحاله: برومت الريل.
5 دقايق مرة وحدة
الهوية هي اللي بتفرق بين كاروسيل «إلك» وكاروسيل عشوائي. جهّزها مرة وبتخدمك بكل كاروسيل.
1
مجلد + صورك + ألوانك (مرة وحدة)
- اعمل مجلد جديد اسمه مثلاً carousels، وجوّاه مجلد photos.
- حط 5 لـ 10 صور إلك بمجلد photos. الأفضل صور بخلفية مقصوصة (PNG شفاف) وبوضعيات مختلفة: بتأشّر، بتفكّر، بتضحك، بتمسك الموبايل.
- اعرف ألوانك بكود اللون (مثلاً #2DD4BF). ما بتعرفها؟ خذ سكرين شوت من لوغوك وقوله: «طلّعلي الألوان الأساسية من هالصورة بأكواد hex».
- اعرف خطك للعربي (مثلاً Cairo أو IBM Plex Sans Arabic، الاثنين مجانيين على Google Fonts).
- افتح Claude Code بالمجلد: من الطرفية
cd carouselsوبعدهاclaude. (لسا ما ثبّته؟ دليل التثبيت.)
نصيحة بتوفّر عليك كل مرة: أول إشي اطلب منه «اكتب ملف brand.md فيه ألواني وخطي ولهجتي وقواعد التصميم اللي بحكيلك ياها هلأ». بعدها بأي كاروسيل بتقول «حسب brand.md» بدل ما تعيد الهوية كل مرة.
انسخ، عدّل الأقواس، Enter
بدّل اللي بين الأقواس المربعة بس. الباقي مجرّب.
2
البرومت: انسخه وعدّل الأقواس
اعمللي كاروسيل انستغرام من 8 سلايدات، مقاس 1080×1350، عن: [الموضوع بجملة وحدة].
هويتي:
- الألوان: الأساسي [#…]، الثانوي [#…]، الخلفية [#…]، النص [#…]
- الخط: [Cairo] للعربي، والأرقام والكلمات الإنجليزية بخط [Space Grotesk]
- صوري بمجلد photos/ — استعمل صورة مختلفة بكل سلايد، كبيرة بسلايد 1 و8، وصغيرة بزاوية بباقي السلايدات
- اللوغو / اسمي: [@حسابك] بأسفل كل سلايد بخط صغير
السلايدات:
1. هوك أقل من 8 كلمات + صورتي كبيرة. بدون شرح.
2 لـ 7. نقطة وحدة بكل سلايد: عنوان قصير (أقل من 6 كلمات) + سطر شرح واحد (أقل من 15 كلمة).
8. دعوة: «اكتب [الكلمة] بالتعليقات» + صورتي وأنا بأشّر لتحت.
الكتابة بلهجتي [الأردنية الخفيفة]: جمل قصيرة، بدون حشو، بدون كلمات زي «في عالم اليوم» أو «بالتأكيد».
الاتجاه من اليمين لليسار، والعربي ما ينقص منه حرف ولا يتكسّر.
طريقة الشغل:
1. اعرضلي نص الـ 8 سلايدات بالأول واستنى موافقتي.
2. بعد الموافقة: ابني السلايدات بـ HTML + CSS (أو Remotion إذا موجود بالمشروع) بنفس القالب لكل سلايد.
3. صدّرها PNG بمجلد output/ بأسماء 01.png لـ 08.png.
4. اكتبلي كابشن قصير (أقل من 120 كلمة) فيه الكلمة، و5 هاشتاقات بس.
5. اعرضلي السلايدات الثمانية بصورة وحدة جنب بعض عشان أراجع الشكل.
- «اعرضلي النص بالأول»: تعديل جملة بالنص أسهل ألف مرة من تعديل التصميم بعدين. ما تشيلها.
- «صورة مختلفة بكل سلايد»: هاد اللي بيخلي الكاروسيل «إلك» بدل ستوك. بدون صورك بيطلع قالب.
- «الاتجاه من اليمين لليسار»: أكثر غلطة بالعربي: النص بيتكسّر أو الأقواس بتنعكس. الجملة هاي بتحلها من الأول.
- «بصورة وحدة جنب بعض»: بتشوف الثمانية بنظرة وبتلاحظ إذا سلايد طالع مختلف.
- نفس الموضوع كل مرة؟ بدّل «الموضوع» بس وخلّي الباقي زي ما هو. أو اقرأ القسم 5.
3
وافق على النص قبل التصميم
أول رد منه رح يكون نص الـ 8 سلايدات. هون بتصرف دقيقتين، وهي أهم دقيقتين بالعملية:
- إنت اقرأ سلايد 1 لحاله: هو اللي بيوقّف الناس. مش قوي؟ قوله: «اعطيني 3 هوكات بديلة لسلايد 1».
- إنت كل سلايد من 2 لـ 7 لازم تنفهم لحالها. سلايد فيه نقطتين؟ «قسّم سلايد 4 لسلايدين وادمج 6 و7».
- إنت اقرأ النص بصوت عالي. أي جملة ما بتنقال بحديث عادي، قوله «خفّف الجملة بسلايد 3».
- Claude بعد «تمام، صمّم» بيبني الثمانية بنفس القالب، وما بيرجع يسألك عن النص.
بدك النص يطلع أقرب لأسلوبك من أول مرة؟ ألصق له مثال من كابشن قديم إلك وقوله «قلّد الإيقاع والمفردات، مش الموضوع». القواعد كاملة بـ دليل الكتابة مثل إنسان.
4
التصدير: 8 صور جاهزة للنشر
بعد الموافقة بتلاقي بمجلد output ثمان صور 01.png لـ 08.png وملف الكابشن. قبل ما تنزّلهم:
| افحص | ليش | لو فيه مشكلة قوله |
|---|---|---|
| المقاس 1080×1350 | مقاس انستغرام العمودي (4:5)، أكبر مساحة على الشاشة | «صدّرها 1080×1350 بالضبط بدون هوامش» |
| العربي | الحروف متصلة، والأرقام والكلمات الإنجليزية بمكانها الصح | «بسلايد 5 الكلمة الإنجليزية انعكست، صلّح الاتجاه» |
| حدود الأمان | انستغرام بيغطي أسفل الصورة بالكابشن والأزرار | «خلّي كل النص بعيد 120 بكسل عن الحواف» |
| الصور | صورة مختلفة بكل سلايد وبنفس الحجم تقريباً | «سلايد 3 و6 نفس الصورة، بدّل وحدة» |
التصدير بيحتاج متصفح: Claude بيحوّل الـ HTML لصور عن طريق متصفح (Chrome أو Playwright). أول مرة ممكن يطلب يثبّت أداة صغيرة، وافق. إذا فشل التصدير قوله: «استعمل Playwright لتصوير كل سلايد PNG» وبيثبّتها وبيكمّل.
عشان المرة الجاية جملة وحدة
أول كاروسيل بياخد 15 دقيقة. التاني 3.
5
خلّيه يحفظ ستايلك كـ Skill
لما يطلع كاروسيل عجبك، ما تخلّي الشغل يضيع. قوله:
الكاروسيل هاد عجبني. احفظ طريقة الشغل كاملة كـ Skill اسمها carousel: الهوية (الألوان، الخط، الصور)، قالب السلايدات، قواعد الكتابة بلهجتي، ومقاس التصدير.
المرة الجاية لما أقولك «كاروسيل عن [موضوع]» بدي تعمله بنفس الهوية بدون ما أعيد أي تفصيلة.
بعدها كل كاروسيل جديد = جملة وحدة: «كاروسيل عن أخطاء المبتدئين بـ Claude». كيف الـ Skills بتشتغل وشو بيكتب فيها: دليل أول Skill.
- بدك نسختين؟ «اعمل نسخة 1080×1080 كمان لـ LinkedIn» بعد ما يخلص. بيعيد التصدير بس.
- بدك الكاروسيل يصير ريل؟ نفس النص بينفع، والطريقة بـ دليل برومت الريل.
6
أخطاء بتخلي الكاروسيل «مش إلك»
نص كتير بالسلايدفقرة كاملة بسلايد 3. ما حدا بيقرأها، وبيسحب.
عنوان + سطرالحدود موجودة بالبرومت: 6 كلمات عنوان، 15 كلمة شرح. خلّيها.
صور بخلفيات مختلفةصورة بالمكتب وصورة بالشارع وصورة بالليل. كل سلايد شكله من كوكب.
قص الخلفيةصور PNG شفافة بتخلي الهوية موحّدة. الأداة اللي بتقص الخلفية مجانية بأي موقع remove background.
بدون هويةما عطيته ألوان ولا خط، فاختار بنفسجي وأبيض زي كل الكاروسيلات.
الهوية مكتوبةبـ brand.md مرة وحدة، وكل كاروسيل بيقرأها.
تصميم قبل النصتركته يصمّم من أول مرة، وبعدين بدك تعدّل جملة = بيعيد 8 صور.
النص أولالخطوة 1 بالبرومت. عدّل الكلام وهو نص، وبعدين صمّم.
?
أسئلة شائعة
ما عندي Claude Code، بينفع بتطبيق Claude العادي؟
النص إيه: نفس البرومت بيكتبلك الـ 8 سلايدات بتطبيق Claude. التصميم والتصدير لصور بيحتاجوا Claude Code لأنه هو اللي بيشغّل الكود على جهازك ويقرأ مجلد صورك. (تطبيق Claude بيقدر يعمل ملفات كمان، بس بدون صورك وبدون التحكم بالخط والمقاس بنفس الدقة.)
قديش بيكلّف؟
الكاروسيل الواحد بيستهلك قليل من حدود اشتراكك (نص قصير + كود صفحة وحدة). أول مرة أكثر لأنه بيبني القالب؛ مع الـ Skill المرات الجاية أقل بكثير.
بيعرف يرسم أيقونات أو رسومات؟
أيقونات بسيطة وأشكال هندسية إيه (بالكود). صور واقعية لا، بس بتقدر تعطيه صور جاهزة بمجلد photos وهو بيحطها بالمكان الصح.
الخط العربي طلع مكسّر، شو الحل؟
قوله: «حمّل خط Cairo من Google Fonts جوّا الـ HTML وخلّي dir="rtl" على كل سلايد». 99% من الحالات هاد السبب.
بقدر أعمل الكاروسيل بالإنجليزي أو لمنصة ثانية؟
إيه، بدّل اللهجة بـ «English, friendly tone» والمقاس حسب المنصة (LinkedIn 1080×1080 أو 1080×1350 كمان). الباقي نفسه.