الفكرة: ليش «اللي ضرب» مش «اللي بحبه»
أفكارك إنت غالباً حلوة… إلك. الجمهور بيصوّت بالمشاهدات، وريل بيجيب 10 أضعاف متوسط حسابه بيحكيلك شي: الهوك اشتغل، الفورمات اشتغل، الناس كمّلت. البرومت تحت بيخلّي Claude يعمل أربع شغلات ورا بعض:
الفرق بين هاد و«اعطيني أفكار ريلز»: الأفكار العامة بتطلع من رأس النموذج. هون الأفكار بتطلع من بيانات حديثة من مجالك، وبتقدر تفتح كل ريل وتشوفه بعينك.
شو بتحتاج
- Claude مع البحث بالإنترنت مفعّل (claude.ai: زر البحث جنب صندوق الكتابة، أو من الإعدادات). بدون بحث، النتائج من ذاكرة النموذج وبتكون قديمة.
- أو Claude in Chrome لو بدك يتصفّح إنستغرام أو تيك توك بحسابك إنت ويشوف الأرقام مباشرة (القسم 4). دليل Claude in Chrome.
- جملة عن مجالك وجمهورك: مين إنت ولمين بتنشر. هاي الفراغين بالبرومت.
- 15 دقيقة أول مرة، و10 كل أسبوع بعدها.
برومت، فراغين، وقراءة صح.
البرومت (انسخه)
افتح محادثة جديدة بـ Claude مع البحث مفعّل، والصق:
بدي أفكار ريلز لحسابي. مجالي: [مثلاً الذكاء الاصطناعي للمبتدئين]، وجمهوري: [مين بالضبط].
1. دوّر على أكتر الريلز انتشاراً بهالمجال آخر 30 يوم (عربي وإنجليزي)، على إنستغرام وتيك توك ويوتيوب شورتس.
2. لكل ريل: قارن مشاهداته بمتوسط مشاهدات حسابه، وطلّعلي اللي جابوا 3 أضعاف المتوسط أو أكتر.
3. لأقوى 5: شو الهوك بأول 3 ثواني؟ شو الفورمات (حكي للكاميرا، شاشة، قصة، قائمة…)؟ ليش الناس كمّلت لآخره؟
4. طلّعلي النمط المشترك بيناتهم بـ 3 نقاط.
5. اقترحلي 5 أفكار لحسابي مبنية على النمط (مش نسخ): لكل فكرة هوك مكتوب + 3 نقاط + دعوة للتعليق بكلمة.
مهم: لا تخترع أرقام ولا روابط. حط رابط كل ريل ذكرته. إذا ما لقيت رقم مؤكد، اكتب «مش مؤكد» جنبه. اعرض النتيجة بجدول: الريل · الحساب · المشاهدات · متوسط الحساب · الضعف.سطر «لا تخترع أرقام» مش زينة: بدونه النموذج بيكمّل الفراغات من عنده. وطلب الجدول بيخلّيك تشوف فوراً وين الرقم «مش مؤكد» وتفتح الرابط.
كيف تعبّي الفراغين (المجال والجمهور)
أكثر غلط: مجال عريض («تطوير الذات») وجمهور عام («الكل»). النتيجة بتطلع عامة زي السؤال. ضيّق:
| عريض (لا) | مضبوط (نعم) |
|---|---|
| مجالي: الذكاء الاصطناعي | مجالي: أدوات AI للي بيشتغل لحاله (فريلانسر، صاحب محلّ) وما بيعرف برمجة |
| جمهوري: الكل | جمهوري: عرب 25–40 سنة، بيستعملوا ChatGPT بس وبدهم يوفّروا وقت بشغلهم |
| مجالي: الطبخ | مجالي: وصفات سريعة بأقل من 15 دقيقة لأم شغّالة |
| مجالي: العقارات | مجالي: نصائح شراء شقة أول مرة بعمّان، للأزواج الجدد |
لو ما بتعرف جمهورك بعد: اكتب «جمهوري: مش متأكد، اقترح لي 3 جماهير محتملة لهالمجال واسألني أختار قبل ما تبدأ». Claude بيسأل، وبتختار، وبعدين بيدوّر.
كيف تقرأ النتيجة (قاعدة 3 أضعاف)
- إنت افتح الروابط. كل ريل ذكره Claude، شوفه بعينك 10 ثواني. اللي ما إله رابط أو الرقم «مش مؤكد»، احذفه من حسابك.
- إنت تحقّق من قاعدة الـ 3 أضعاف بنفسك: افتح الحساب، شوف 5 ريلز قبل وبعد، قدّر المتوسط. لو الريل فعلاً فوق المتوسط بكثير، هاد اللي بتتعلّم منه.
- إنت اقرأ «النمط المشترك» وقارنه بريلزك: شو الشي اللي هم بيعملوه بأول 3 ثواني وإنت لا؟
- إنت من الأفكار الخمسة اختار وحدة بتقدر تنفّذها اليوم بمعلوماتك وقصتك. الباقي بالدرج.
لو الأفكار طلعت عامة، ردّ بهالجملة:
الأفكار عامة. أعد الخمسة بشرط: كل فكرة مبنية على ريل محدّد من الجدول (اذكر أيّ واحد)، والهوك بلهجتي الأردنية، والنقاط الثلاث من تجربتي اللي بحكيلك عنها: [جملتين عن شغلك وقصتك].نسخة Claude in Chrome: بيتصفّح إنستغرام بحسابك
البحث بالإنترنت بيلاقي مقالات وصفحات، بس أرقام إنستغرام الدقيقة بتظهر لما تكون مسجّل دخول. Claude in Chrome (إضافة Claude للمتصفح) بيتصفّح بحسابك إنت: بيفتح حسابات بمجالك، بيقرأ عدد المشاهدات تحت كل ريل، وبيحسب. الإعداد بـ دليل Claude in Chrome. بعدين:
افتح إنستغرام (أنا مسجّل دخول). ادخل على هالحسابات بمجالي: [3 إلى 5 حسابات بأسمائها]. لكل حساب: افتح تبويب الريلز، اقرأ مشاهدات آخر 12 ريل، احسب الوسيط، وطلّعلي الريلز اللي فوق 3 أضعاف الوسيط مع رابطها وأول سطر من كابشنها. بعدين طبّق الخطوات 3 و4 و5 من برومت الأفكار. لا تعلّق ولا تعمل لايك ولا تتابع حدا.السطر الأخير مهم: الإضافة بتقدر تكبس، وإنت بدك قراءة بس. ومن تجربتي: 3 إلى 5 حسابات بيكفوا، وإنستغرام ممكن يبطّئ التصفّح لو فتحت 30 ريل ورا بعض؛ خلّيه يقرأ العدّادات من شبكة الريلز بدون ما يفتح كل ريل.
من الفكرة للريل بنفس اليوم
الفكرة بدون تنفيذ بنفس اليوم بتموت بالدرج. بعد ما تختار وحدة، كمّل بنفس المحادثة:
اخترت الفكرة رقم [X]. اكتب لي سكربت ريل 30–40 ثانية بلهجتي: الهوك بأول ثانية ونص، بعدين المشكلة بجملة، 3 نقاط كل وحدة بمثال من عندي ([مثالك])، وبالآخر الدعوة: «اكتب [الكلمة] بالتعليقات وببعتلك [الهدية]». اعطيني كمان: نص الشاشة لكل مقطع (3 كلمات)، وكابشن بـ 3 هاشتاقات.بعدها التصوير والمونتاج: ملف المونتاج لـ Claude Code لو بتمنتج بكود، أو الريل بـ Remotion. ومن نفس السكربت بتطلّع بوستات ثانية: خمس بوستات من ريل واحد. وبعد النزول بثلاث أيام، حلّل الريل وقارنه بوسيطك إنت: هيك بتعرف إذا النمط اشتغل عندك.
الروتين الأسبوعي (Project + 10 دقايق)
- إنت اعمل Project بـ Claude اسمه «أفكار الريلز» وحط بتعليماته: مجالك، جمهورك، لهجتك، الكلمات اللي ما بتحبها، وقائمة الأفكار اللي نفّذتها (عشان ما يكرّرها).
- إنت كل أحد الصبح: محادثة جديدة بالـ Project، الصق البرومت (القسم 1) بدون ما تعبّي الفراغين (موجودين بالتعليمات).
- Claude بيدوّر على آخر 30 يوم من جديد. الترند بيتغيّر بسرعة، فنتيجة الأسبوع الماضي ما بتنفع.
- إنت اختار فكرة وحدة للأسبوع (أو خمسة لو بتنزّل يومياً)، وضيفها لقائمة «نفّذت» بالتعليمات.
بعد شهر بيصير عندك ملف فيه 20 ريل «ضربوا» بمجالك مع تحليلهم. هاد أثمن من أي كورس عن «الهوك».
كيف ما تتحوّل لناسخ، وشو حدود الطريقة.
أخطاء بتخلّيك تنسخ بدل ما تتعلّم
| الغلط | شو بيصير | الصح |
|---|---|---|
| تصدّق رقم بدون ما تفتح الرابط | بتبني على ريل ما ضرب أصلاً. | افتح كل رابط. «مش مؤكد» = محذوف. |
| تنسخ الريل حرفياً (نفس الهوك ونفس الأمثلة) | جمهورك بيعرف، وبتخسر الثقة. | خذ الأسلوب: الهوك والفورمات. القصة والأمثلة من عندك. |
| مجال عريض | أفكار عامة بتنفع لأي حدا. | ضيّق المجال والجمهور (القسم 2). |
| تاخد الخمسة وتنفّذ ولا واحد | درج مليان أفكار وحساب فاضي. | وحدة اليوم. الباقي بالدرج. |
| تبحث مرة وتعيش عليها شهرين | بتنزّل ترند انتهى. | كل أسبوع من جديد (القسم 6). |
| تخلّي Claude in Chrome يتفاعل | لايكات ومتابعات ما قصدتها من حسابك. | «قراءة بس، بدون أي كبسة» بالبرومت. |
تنبيهات صدق
- البحث بالإنترنت ما بيشوف كل إنستغرام. بيلاقي اللي انكتب عنه أو ظهر بصفحات عامة. للأرقام الدقيقة، نسخة Claude in Chrome (القسم 4) أو عينك.
- المشاهدات مش كل شي: ريل بمشاهدات عالية وبدون حفظ أو مشاركة ممكن يكون «ضحكة» مش «قيمة». اسأل Claude كمان عن التعليقات والحفظ لما يكونوا ظاهرين.
- الأرقام اللي بالريل (ريل عن Claude Code بـ 11 مليون، وواحد عن ترتيب الصور بـ 6.5 مليون) من بحثي يوم 2026-10-20؛ الأرقام بتكبر وبتتغيّر، والفكرة هي الطريقة مش الرقم.
- النمط بيحكيلك «كيف»، مش «شو». الفكرة لازم تيجي من خبرتك؛ Claude بيعطيك الشكل اللي الناس بتكمّله.
- كل منصة إلها مزاج: اللي ضرب على تيك توك ممكن ما يضرب على إنستغرام. اطلب البحث على المنصة اللي بتنشر فيها.