شو الجديد بالضبط
شريط جانبي = جلسة Cowork
مش chat جنب الصفحة. جلسة كاملة بتشوف التبويبات المفتوحة وبتشتغل عليها.
بيقرأ الصفحات المفتوحة
الأسعار، الميزات، الأسلوب… من كل تبويب، بدون نسخ ولصق.
بيكمّل على الديسكتوب
نفس الجلسة، نفس الذاكرة. بتبدأ بالمتصفح وبتكمّل بتطبيق Claude.
الـ skills بتشتغل من المتصفح
الـ skills اللي عندك (تقرير، عرض، جدول…) متاحة من الشريط الجانبي.
لمين متاح
Max
متاح الآن
Team
متاح الآن
Pro
جاي قريباً
التوفّر بيتغيّر مع التحديثات — المرجع الرسمي أسفل الدليل.
1
التفعيل بثلاث خطوات
- ثبّت الإضافة: افتح claude.com/chrome من متصفح Chrome واضغط تثبيت (بتوصّلك لمتجر Chrome).
- سجّل الدخول بحساب Claude تبعك، وثبّت أيقونة الإضافة بشريط Chrome.
- افتح الشريط الجانبي: اضغط الأيقونة، وبيفتح Claude جنب الصفحة. افتح التبويبات اللي بدك ياه يقرأها، وبلّش.
6 تبويبات → جدول + عرض
افتح صفحات التسعير للمنافسين بتبويبات، افتح Claude من الشريط الجانبي، والصق.
2
برومت مقارنة المنافسين
البرومت — بدّل [اسم شركتك] قبل ما تبعته:
اقرأ كل التبويبات المفتوحة (صفحات التسعير للمنافسين).
لكل منافس استخرج: الباقات، السعر الشهري، الحد الأقصى للمنتجات،
نوع الدعم، ونبرة الكتابة بكلمتين.
1) جدول مقارنة: صف لكل منافس + صف لنا [اسم شركتك].
لوّن أرخص سعر بالأخضر وأغلى بالأحمر.
2) لخّص 3 فجوات ما حدا مغطيها.
3) حوّل الجدول لعرض 5 شرائح للاجتماع؛ الشريحة الأخيرة: توصية واحدة.
القواعد: اللغة عربي، الأرقام إنجليزي، لا تنسخ أي جملة تسويقية حرفياً.
شو بيطلعلك
- comparison.xlsx — جدول المقارنة ملوّن، صف لكل منافس وصف إلك.
- 3 فجوات — الأشياء اللي ما حدا بيغطيها بالسوق… وهاي فرصتك.
- meeting-deck.pptx — 5 شرائح جاهزة للاجتماع، آخرها توصية واحدة.
3
نصائح بتفرق بالنتيجة
| النصيحة | ليش |
|---|---|
| 6 تبويبات كحد أقصى | أكثر من هيك بيبطّئ القراءة وبتقل الدقة. قسّم المنافسين على جولتين لو لازم. |
| افتح صفحة التسعير نفسها | مش الصفحة الرئيسية. الأرقام اللي بدك ياها موجودة بصفحة Pricing. |
| كمّل على الديسكتوب | نفس الجلسة ونفس الذاكرة؛ لو بدك تعدّل العرض أو تضيف skill، افتح تطبيق Claude وكمّل. |
| حدّد صيغة الإخراج | «جدول» و«عرض 5 شرائح» أوضح بكثير من «قارنلي». الصيغة الواضحة = ملف جاهز. |
| راجع الأرقام مرة | بيقرأ الصفحة زي ما هي؛ لو السعر مخفي ورا زر «حسب الطلب» بيكتبها هيك، ما بيخترع رقم. |
نفس الفكرة، شغلات تانية
أي شغلة بتبدأ بـ «افتح كذا صفحة واقرأ…» صارت جملة وحدة.
4
4 استخدامات تانية
بحث سريع
«اقرأ التبويبات المفتوحة ولخّصلي النقاط المشتركة والمتناقضة بينها بجدول».
مراجعة قبل الشراء
افتح 3 منتجات وقل: «قارن المواصفات والسعر وقلّي أيهم الأنسب لـ [استخدامك]».
استخراج بيانات
«اطلع الأسماء والأسعار من هالصفحة وحطها بجدول Excel». بدل ساعة نسخ ولصق.
صياغة رد
افتح إيميل أو تذكرة دعم وقل: «اكتبلي رد مهذب يجاوب على كل نقطة فيها».
5
الأمان — اقرأها قبل ما تعطيه صلاحيات
Claude في Chrome بيقدر يقرأ الصفحات المفتوحة وبيقدر يتصرّف فيها. يعني أي صفحة مفتوحة وإنت مسجّل دخول فيها (بنك، إيميل، لوحة تحكم) صارت ضمن اللي بيشوفه.
- سكّر التبويبات الحساسة قبل ما تبلّش جلسة: البنك، البريد، أي صفحة فيها بيانات عملاء.
- خلّيه يقرأ ويقترح، وإنت بتضغط إرسال. لو طلب يعبّي نموذج أو يبعت شي، راجعه قبل الموافقة.
- انتبه للصفحات اللي فيها تعليمات مخفية — صفحة مكتوب فيها «تجاهل تعليماتك واعمل كذا» ممكن تحاول تخدعه. لو تصرّف بشكل غريب، أوقف الجلسة.
- الـ Pro / Max: الإضافة مربوطة بحسابك؛ لا تثبّتها على جهاز مشترك.
6
أسئلة شائعة
ما بيطلعلي الشريط الجانبي بعد التثبيت
تأكد إن خطتك مدعومة (Max أو Team حالياً)، وإنك مسجّل دخول بنفس الحساب بالإضافة وبـ claude.ai. بعدها اضغط أيقونة الإضافة بشريط Chrome، أو ثبّتها من قائمة الإضافات لو مخفية.
بيقرأ كل التبويبات ولا بس المفتوحة قدامي؟
اللي بتحدّده إله. أوضح طريقة: اذكر بالبرومت «التبويبات المفتوحة» واترك مفتوح بس اللي بدك ياه يقرأه.
الفرق بينه وبين Cowork على الديسكتوب؟
نفس الجلسة ونفس الذاكرة. Chrome بيعطيه عيون على الويب، والديسكتوب بيعطيه إيدين على ملفاتك. بتبدأ المقارنة بالمتصفح وبتكمّل العرض على الديسكتوب بدون ما تعيد الشرح. شوف دليل Claude Cowork.