شو يعني plugin، وشو جوّاه؟
قبلكل مرة بتشرح لـ Claude شو شغلك، شو الـ pipeline عندك، كيف بتكتب الإيميل، شو المصطلحات… وبتعيدها بكل محادثة.
بعدبتركّب plugin «مبيعات» مرة وحدة. بيصير عنده طريقة تجهيز المكالمة، مراجعة الصفقة، وصياغة الرسالة… وبتكتب /sales:call-prep وخلص.
الـ plugin مجلد ملفات نصية بيتركّب على Claude. جوّا كل واحد من الـ 11 ثلاث أشياء:
01
Skills
معرفة بتشتغل لحالها: لما تحكي عن عقد، Claude بيستعمل skill مراجعة العقود بدون ما تطلب.
02
أوامر
بتكتبها بالشرطة المائلة زي /sales:call-prep أو /finance:reconciliation: مهمة جاهزة بخطواتها.
03
موصلات
ملف .mcp.json بيربط Claude بأدوات شغلك: Slack، HubSpot، Notion، Jira، Snowflake… (بتسجّل دخول بحسابك).
الريبو: github.com/anthropics/knowledge-work-plugins، رخصة Apache-2.0 (يعني عدّل واستعمل بشركتك براحتك)، وحوالي 35 ألف نجمة وقت كتابة الدليل. Anthropic بتوصفها «نقطة بداية عامة»: الفايدة الحقيقية لما تعدّلها على شغلك (القسم 6).
11 موظف… وأي واحد إلك
الأوامر المذكورة من ملفات الريبو نفسها. اكتب اسم الـ plugin ونقطتين وبيطلعوا كلهم بقائمة الشرطة المائلة.
1
الـ 11 كاملين: شو بيعمل كل واحد
| الـ plugin | شو بيعمل | أمثلة أوامر | موصلات |
|---|---|---|---|
| sales | بحث عن العميل قبل المكالمة، مراجعة الصفقة والـ pipeline، رسائل تواصل، الرد على الاعتراضات، توقعات. | /sales:call-prep /sales:deal-review /sales:draft-outreach | HubSpot · Close · Clay · ZoomInfo · Fireflies · Slack · Notion · Microsoft 365 |
| marketing | خطة حملة، إنتاج محتوى بصوت البراند، مراجعة للبراند، تحليل منافسين، تقارير أداء، SEO، سلاسل إيميل. | /marketing:campaign-plan /marketing:content-creation /marketing:seo-audit | Canva · Figma · HubSpot · Amplitude · Ahrefs · SimilarWeb · Klaviyo · Notion · Slack |
| customer-support | فرز التذاكر، بحث عن المشكلة، صياغة الرد، تصعيد، وتحويل الحل لمقالة بقاعدة المعرفة. | /customer-support:triage /customer-support:draft-response /customer-support:kb-article | أداة التذاكر والشات عندك (حسب الإعداد) |
| product-management | كتابة المواصفات، عصف أفكار، تحديث خارطة الطريق، تخطيط السبرنت، تلخيص أبحاث المستخدمين، تحديثات لأصحاب القرار. | /product-management:write-spec /product-management:brainstorm /product-management:roadmap-update | Asana · Linear · Jira · Monday · ClickUp · Figma · Amplitude · Pendo · Intercom · Fireflies |
| legal | مراجعة العقود، فرز اتفاقيات السرية (NDA)، فحص المورّدين، مذكرات وردود. | /legal:review-contract /legal:triage-nda | مستنداتك وإيميلك |
| finance | قيود اليومية، التسويات، قائمة الدخل، تحليل الفروقات، اختبارات الرقابة. | /finance:reconciliation /finance:journal-entry /finance:variance-analysis | Snowflake · Databricks · BigQuery · Slack · Microsoft 365 |
| data | كتابة SQL، تحليل واستكشاف بيانات، رسوم، لوحات، وفحص صحة البيانات قبل ما تشاركها. | /data:write-query /data:analyze /data:build-dashboard | Snowflake · Databricks · BigQuery · Hex · Definite · Amplitude · Jira |
| productivity | مهامك ويومك وسياقك الشخصي: بيبدأ معك الصبح، بيتابع المهام، وبيحفظ ذاكرة عن شغلك. | /productivity:start /productivity:task-management /productivity:update | Slack · Notion · Asana · Linear · Jira · ClickUp |
| enterprise-search | سؤال واحد بيدوّر عبر الإيميل والدردشة والمستندات وبيرجع لك الجواب بمصادره. | بيشتغل كـ skill لما تسأل | أدوات الشركة اللي بتربطها |
| bio-research | للباحثين: مراجعة أدبيات، خطوط تحليل بيانات (Nextflow، single-cell)، واختيار مشكلة بحثية. | /bio-research:start /bio-research:nextflow-development | قواعد بيانات البحث العلمي |
| cowork-plugin-management | بيعمل لك plugin جديد لشركتك أو بيخصّص واحد موجود: بتحكيله شو شغل الفريق وبيكتب الملفات. | /cowork-plugin-management:create-cowork-plugin /cowork-plugin-management:cowork-plugin-customizer | — |
الريبو بيكبر: الـ 11 هم جدول الـ README اللي حكيت عنه بالريل. جوّا الريبو في مجلدات إضافية (design، engineering، human-resources، operations، small-business…) بتتركّب بنفس الطريقة. أنا مركّب منهم: sales، marketing، product-management، design، data، productivity، operations.
2
أي واحد إلك؟ (حسب شغلك)
ما تركّب الـ 11. ابدأ بواحد أساسي + واحد مساعد، وجرّبهم أسبوع على شغل حقيقي.
| شغلك | الأساسي | المساعد | أول أمر تجرّبه |
|---|---|---|---|
| بتبيع أو بتتواصل مع عملاء | sales | productivity | /sales:call-prep قبل مكالمة بكرة |
| بتعمل محتوى وحملات | marketing | data | /marketing:campaign-plan لحملة الشهر الجاي |
| عندك فريق دعم أو بترد على زباين | customer-support | productivity | /customer-support:triage على آخر 10 رسائل |
| بتدير منتج أو مشاريع تقنية | product-management | data | /product-management:write-spec لميزة بالطريق |
| محاسبة أو مالية | finance | data | /finance:reconciliation على كشف الشهر |
| عقود وامتثال | legal | enterprise-search | /legal:triage-nda على آخر اتفاقية وصلتك |
| بتشتغل على بيانات وتقارير | data | productivity | /data:explore-data على ملف CSV عندك |
| أي شغل مكتبي | productivity | enterprise-search | /productivity:start أول ما تفتح الصبح |
| صاحب شركة صغيرة | small-business | marketing | اكتب /small-business: وشوف القائمة (فواتير، تسويق، توظيف…) |
مش لاقي وظيفتك؟ آخر واحد بالقائمة (cowork-plugin-management) بيبني لك plugin لشغلك بالضبط. وإذا بدك مقارنة أدوات الذكاء الاصطناعي حسب المهنة بشكل أوسع: أداة لكل وظيفة.
دقيقتين، بطريقتين
بـ Claude Code من الـ terminal، أو من تطبيق Claude بدون أي أمر. النتيجة وحدة.
3
بـ Claude Code: أمرين
مش مركّب Claude Code؟ دليل التثبيت أول. بعدها من أي terminal:
1) ضيف الريبو كـ marketplace (مرة وحدة):
claude plugin marketplace add anthropics/knowledge-work-plugins
2) ركّب الـ plugin اللي بدك (بدّل sales باسم أي واحد من الجدول):
claude plugin install sales@knowledge-work-plugins
هيك بيتركّب لحسابك (كل مشاريعك). بدك ياه لمشروع واحد بس؟ ضيف --scope project بآخر الأمر.
من جوّا جلسة Claude Code (بدل الـ terminal):
/plugin marketplace add anthropics/knowledge-work-plugins
/plugin install sales@knowledge-work-plugins
- أمر
/plugin installمن جوّا الجلسة بيفتح لك لوحة الـ plugin وبتختار النطاق (لك، للمشروع، أو محلي) قبل ما يركّب. - تأكد: اكتب
/sales:وبتطلع الأوامر بالقائمة. ما طلعت؟/reload-plugins. - التحديثات مش تلقائية لهالـ marketplace (مش من الرسميين تبع Anthropic بالقائمة الافتراضية): بين فترة وفترة
claude plugin marketplace update knowledge-work-plugins.
4
بتطبيق Claude وCowork: بدون terminal
الـ plugins مبنية أصلاً لـ Claude Cowork (وضع الشغل بتطبيق Claude على سطح المكتب)، وبتتركّب من حسابك:
- إنت من تطبيق Claude (ويب أو سطح مكتب): Customize ← Plugins ← Discover.
- إنت اختار الـ plugin (sales مثلاً) ← Add. بينحفظ على حسابك وبيظهر بـ Cowork.
- إنت مش ظاهر؟ Add ← Add marketplace واكتب anthropics/knowledge-work-plugins، وبتطلع كل الإضافات تبعه.
- Claude بـ Cowork اكتب /sales:call-prep زي Claude Code بالضبط، والـ skills بتشتغل لحالها من أول محادثة.
تصحيح صغير عن الريل: حكيت «من claude.com/plugins». هالرابط بالـ README، بس صفحة الإدارة الفعلية اليوم بتطبيق Claude نفسه: Customize ← Plugins (أو claude.ai/customize/plugins). نفس الشي بالآخر، بس هيك بتوصل أسرع.
5
كيف تستعمله أول يوم
ثلاث طرق، من الأسهل للأقوى:
01
احكي عادي
«راجع لي هالعقد» أو «جهّزني لمكالمة مع شركة X». الـ skill المناسب بيشتغل لحاله وبتلاحظ الفرق بالأسلوب والترتيب.
02
استعمل أمر
اكتب / واسم الـ plugin، واختار الأمر. الأمر بيسألك اللي ناقصه وبيمشي بخطوات ثابتة كل مرة.
03
اربط أداة
من تبويب Connectors تبع الـ plugin بتشوف كل موصل (Connected / Not connected / Not added) وبتسجّل دخول بحسابك.
مثال: تجهيز مكالمة (الصق بعد التركيب):
/sales:call-prep
عندي مكالمة بكرة الساعة 11 مع مدير التسويق بشركة أزياء أردنية، أول اجتماع.
المنتج تبعي: إدارة حملات إنستغرام بالذكاء الاصطناعي، باقة شهرية.
بدي: نبذة عن الشركة من اللي بتعرفه، 5 أسئلة اكتشاف، اعتراضين متوقعين وكيف أرد، وهدف واضح للمكالمة.
بدون موصلات، Claude بيشتغل على اللي بتعطيه ياه. مع موصل HubSpot أو Notion بيسحب تاريخ العميل لحاله. ابدأ بدون موصلات، واربط لما تحس بالحاجة.
ملفات نص… يعني إلك
هون الفرق بين «أداة لطيفة» و«موظف بيعرف شركتك».
6
عدّله بلغة شركتك
كل plugin مجلد بسيط:
| الملف | شو فيه | شو تعدّل |
|---|---|---|
skills/*/SKILL.md | المعرفة اللي بتشتغل لحالها (كيف يراجع عقد، كيف يجهّز مكالمة). | ضيف مصطلحاتكم، مراحل الـ pipeline عندكم، أمثلة من شغلكم، وشو ممنوع. |
commands/*.md | الأوامر (/sales:call-prep هو ملف call-prep.md). | غيّر الخطوات والأسئلة وشكل المخرج (جدول؟ إيميل؟ بالعربي؟). |
.mcp.json + CONNECTORS.md | الموصلات وشرحها. | شيل اللي ما بتستعمله، وضيف أداتكم. |
.claude-plugin/plugin.json | اسم ووصف الـ plugin. | سمّيه باسم شركتك لو رح توزّعه على الفريق. |
أسهل طريقة تعدّل: خلّي Claude يعدّل. من مجلد الـ plugin (أو نسخة منه) بـ Claude Code:
افتح skills تبع هالـ plugin واقرأها.
شركتنا: وكالة تسويق أردنية، عملاؤنا مطاعم ومحلات، نحكي بالعربي مع العملاء.
عدّل الـ skills والأوامر بحيث: المخرجات بالعربي، مراحل البيع عندنا (تواصل ← عرض ← تجربة شهر ← عقد)، وما يوعد بنتائج أرقام.
اعرض لي التغييرات ملف ملف قبل ما تحفظ.
بدك تعمل plugin من الصفر لفريقك؟ ركّب cowork-plugin-management واكتب /cowork-plugin-management:create-cowork-plugin. وإذا بدك تفهم الـ skills نفسها أكثر: دليل الـ skills وplugins الوكالة.
7
أخطاء شائعة
| الغلطة | الصح |
|---|---|
| بتركّب الـ 11 دفعة وحدة | كل plugin بيضيف skills على كل محادثة. ركّب اللي إلك بس، والباقي لما تحتاجه. |
| بتتوقع يعرف شركتك من أول يوم | هي «نقطة بداية عامة» بكلام Anthropic. ساعة تعديل على الـ SKILL.md بتوفّر شهور إعادة شرح. |
| بتربط الموصلات كلها فوراً | كل موصل صلاحية على بياناتك. اربط اللي بتحتاجه فعلاً، وبحساب شغل مش شخصي. |
| بتكتب الأمر غلط | الصيغة: شرطة مائلة، اسم الـ plugin، نقطتين، اسم الأمر، زي /finance:reconciliation. اكتب /finance: وخلّي القائمة تكمّل. |
| بتنسى تحدّث | الريبو بيتحدّث. من فترة لفترة claude plugin marketplace update knowledge-work-plugins. |
| بتعدّل ملفات الريبو الأصلي | انسخ الـ plugin لمجلد شركتك وعدّل النسخة، حتى التحديث ما يمسح شغلك. |
?
أسئلة شائعة
مجاني؟
الـ plugins نفسها مجانية ومفتوحة المصدر (Apache-2.0). بتحتاج اشتراك Claude عادي (Claude Code أو تطبيق Claude مع Cowork)، والموصلات بتحتاج حسابات بالأدوات نفسها (HubSpot، Notion…).
لازم أكون مبرمج؟
لا. من تطبيق Claude (القسم 4) ما في ولا أمر: Customize ← Plugins ← Add. وطريقة Claude Code أمرين بتنسخهم وبتلصقهم.
بتشتغل بالعربي؟
ملفات الـ skills مكتوبة بالإنجليزي، بس Claude بيرد بلغتك لما تحكي عربي. ولو بدك المخرجات دايماً عربي ومصطلحاتكم، عدّل الملفات (القسم 6) وخلص.
شو الفرق بين skill وأمر؟
الـ skill معرفة بيستعملها Claude لحاله لما يناسب الموقف (ما بتناديها). الأمر بتناديه إنت بالشرطة المائلة وبيمشي بخطوات ثابتة. أغلب الـ plugins فيها الاثنين.
بيشوف بياناتي؟
الـ plugin ملفات نص على جهازك أو حسابك، ما بيبعت شي لحاله. اللي بيوصل لبياناتك هي الموصلات اللي إنت بتربطها وبتسجّل دخولها، وبتقدر تفصل أي واحد من تبويب Connectors.
وين بينحفظ لما أركّبه بـ Claude Code؟
افتراضياً على مستوى حسابك (كل المشاريع). بـ --scope project بينحفظ للمشروع الحالي بس، وبـ --scope local لجهازك بهالمشروع بدون ما ينشارك مع الفريق.