قبل، كنت تطلع من جلسة Claude Code بملف على جهازك. هلق بتطلع بـصفحة ويب شغّالة — إلها رابط دائم، بتفتح عند أي حدا، وبتتحدّث لما تعمل تحديث للصفحة.
معظم الناس لليوم بتستخدم Claude Code لشغلات سريعة ومؤقتة — تطلب إشي، بياخد النتيجة، وبتنتهي القصة.
اللي تغيّر إنه صار يطلّع Artifact: صفحة HTML كاملة وتفاعلية برابط دائم. يعني نفس الشغل اللي كان بيضل عندك على الجهاز، صار تقدر تشاركه مع فريقك أو عميلك ويفتحوه بالمتصفح عادي.
وهاد اللي بيحوّل Claude Code من أداة شخصية لـ أداة فريق.
انتبه: هالميزة متوفرة على خطط Claude Team وEnterprise. لو على الخطة الفردية، رح تشتغل معك كل الـ Prompts بس بدون رابط المشاركة.
بتجمّعلك أرقام كل منصاتك بمكان واحد — نفس الأرقام اللي بتفتح تشوفها كل يوم اثنين الصبح، بس بدون ما تلف على أربع تطبيقات.
اعملي لوحة HTML حيّة بتوريني وضع حساباتي على إنستغرام وتيك توك ويوتيوب والإيميل. لكل منصة، وريني: - عدد المتابعين + الفرق عن الأسبوع اللي قبله - متوسط التفاعل على آخر ٥ منشورات - أفضل منشور هالأسبوع، وليش نجح - إشي واحد لازم أنتبهله خود الأرقام من ملفات CSV رح أرفقها. خلّيها سهلة التحديث وتنقرأ منيح على الموبايل.
بتاخد مكان إيميل «تحديث الأسبوع» اللي محدا بيقراه. الفريق بيفتح الرابط يوم الاثنين وبيعرف كل إشي بدقيقة.
اعملي لوحة ملخّص أسبوعي يفتحها أي حدا بالفريق يوم الاثنين الصبح. الأقسام: - إنجازات هالأسبوع (أهم ٣) - شغل قيد التنفيذ (شو واقف؟ وإيمتى بيخلص؟) - أولويات الأسبوع الجاي، مرتّبة من الأهم - سؤال واحد للفريق يجاوبوا عليه هالأسبوع خود المعلومات من سجل النشاط اللي رح أرفقه.
التقرير الشهري اللي بتكرهه بيتعمل لحاله. بتعطيها البيانات وبتطلّعلك تقرير جاهز للإرسال أو للطباعة.
اعملي لوحة تقرير شهري للعميل {اسم العميل}.
الأقسام:
- جملة وحدة بتلخّص الشهر
- شو سلّمناه هالشهر
- أهم الأرقام + المقارنة بالشهر اللي قبله
- شو رح نشتغل عليه الشهر الجاي
- توصية واحدة استراتيجية
خود البيانات من الملفات اللي رح أرفقها. خلّيها قابلة للطباعة، وحط زر مشاركة بالأعلى.
شغّل الـ Prompt بـ Claude Code وارفق ملفاتك، وخلّيه يبني اللوحة.
لما تخلص، اضغط على أيقونة المشاركة فوق الـ Artifact.
بتاخد رابط دائم — أي حدا معه الرابط بيفتح اللوحة ويستخدمها.
احفظ الرابط بالمفضلة، وتعامل معه كأداة داخلية ثابتة عندك.
نصيحة: ما تعمل لوحة جديدة كل أسبوع. اعمل وحدة، شاركها مرة، وبعدها بس حدّث البيانات — الرابط بيضل هو هو والفريق ما بيحتاج يدوّر عليه كل مرة.