فيديوهات AI الفيروسية من جوّا Claude: Higgsfield Genjutsu بالـ MCP، الخطوات كاملة — ضياء البوزان

شو Genjutsu وشو الـ MCP بدقيقة

Genjutsu أداة من Higgsfield «بتعيد توزيع» أي مقطع: بتاخذ الحركة وحركة الكاميرا والتوقيت من مقطع مرجعي، وبتحط شخصيتك (من صورة) أو مكانك أو منتجك مكان اللي بالمقطع. أو بتبدّل عنصر واحد وبتخلّي الباقي زي ما هو. هيك معمولة أغلب الفيديوهات الفيروسية اللي بتشوفها.

الـ MCP هو الطريقة اللي بتخلّي Claude يستعمل أدوات من برّا: Higgsfield عاملة سيرفر MCP، بتضيفه كـ connector بـ Claude مرة وحدة، وبعدها Claude نفسه بيرفع ملفاتك على Higgsfield، بيختار الإعدادات، وبيرجّع لك الفيديو بالشات. بدون ما تفتح موقعهم.

المرجع

مقطع بحركة واضحة وشخص واحد: رقصة، مشي، لقطة كاميرا بتلف.

شخصيتك

صورتك أو صورة شخصيتك: وجه واضح، إضاءة جيدة، نفس زاوية المرجع تقريباً.

الطلب

«خلّيني البطل». Claude بيعمل الباقي وبيرجع بالفيديو.

بصراحة: Genjutsu مدفوعة. بتستهلك كريدت Higgsfield حسب باقتك. إضافة الـ MCP نفسها مجانية، بس التوليد لا. الأرقام بالقسم 1.

بدك البرومتات نفسها اللي بستعملها جوّا Higgsfield (استبدال الشخصيات ومشهد «مصوّر بالجوال»)؟ موجودة بدليل تحكّم كامل بفيديو الـ AI. هاد الدليل عن الطريق الأقصر: من جوّا Claude.

مرة وحدة

حساب وربط. بعدها كل مرة بتكون شات واحد.

الحساب والكريدت (مدفوعة، بصراحة)

اعمل حساب على higgsfield.ai.
اختار باقة فيها كريدت. الباقات الحالية (من مدونة Higgsfield الرسمية، أكتوبر 2026): Starter بـ 15$ بالشهر = 200 كريدت، Plus بـ 49$ = 1,000، Ultra بـ 129$ = 3,000، وباقات Team وScale للفرق. الكريدت ما بينقل للشهر الجاي، والخطة المجانية ما فيها كريدت ولا استخدام تجاري ولا فترة تجربة. الأرقام بتتغير، فصفحة Pricing هي المرجع.
Genjutsu Lite أول: أسرع وأرخص (تقريباً ثلث سعر الكامل)، بدون اختيار وضع (بتطبّق التغيير لحالها)، حتى 10 صور مرجعية بدل 30، وبتطلّع 720p أو 1080p. المقطع المرجعي بالاثنين من 4 لـ 30 ثانية. جرّب فيها قبل الإصدار الكامل.

شو بيكلّف كريدت

كل توليد Genjutsu (الكامل أو Lite). من المدونة الرسمية (أسعار سبتمبر وأكتوبر 2026): مقطع 15 ثانية بالإصدار الكامل: 40 كريدت بـ 480p، 104 بـ 720p، 144 بـ 1080p. وبـ Lite: 32 كريدت لـ 15 ثانية بـ 720p. المولّد بيفرجيك السعر الدقيق قبل ما تأكّد، وعبر الـ MCP كل توليد بيخصم كريدت (ما في «توليدات مجانية» زي الموقع).

شو مجاني

إضافة الـ MCP بـ Claude، والشات نفسه، وتجربة الربط. بس التوليد عبر الـ MCP بده اشتراك مدفوع فعّال: الخطة المجانية ما فيها كريدت ولا فترة تجربة.

اربط Higgsfield بـ Claude

الطريقة السريعة: افتح higgsfield.ai/mcp، اختار تبويب Claude، واكبس «Connect Higgsfield». (الزر اسمه «Connect to Claude» وبيفتح نافذة بثلاث خطوات: انسخ الرابط، افتح Connectors بـ Claude وضيف connector اسمه Higgsfield، وبعدها جرّب أول برومت.)

الطريقة اليدوية (بتنفع بأي عميل MCP):

بـ Claude (الويب أو التطبيق): من قائمة حسابك Customize → Connectors → Add custom connector (بنسخ أقدم اسمها Settings → Connectors). أو افتح الرابط المباشر claude.ai/customize/connectors.
الاسم: Higgsfield. الرابط:

https://mcp.higgsfield.ai/mcp

اكبس Add، وبعدها Connect: بتفتح صفحة Higgsfield، سجّل دخول ووافق.
بالشات: اكبس زر + جنب صندوق الكتابة ← Connectors، وفعّل Higgsfield لهالمحادثة.

أي خطة Claude؟ كلها: الخطة المجانية بتسمح بـ connector مخصّص واحد (بيكفي لهاد)، وPro وMax وUltra بدون هالحد. بـ Team المالك هو اللي بيضيفه للمنظمة وكل عضو بيكبس Connect بحسابه. الإضافة من الويب أو تطبيق سطح المكتب، مش من الموبايل.

نفس الصفحة فيها تبويبات لـ ChatGPT وClaude Code وTelegram وCLI: الـ connector واحد، والعميل اللي بتحبه.

شات واحد

ملفين وجملة.

المقطع + صورتك + البرومت

افتح محادثة جديدة بـ Claude.
أعطيه المقطع المرجعي (الحركة والكاميرا اللي بدك) وصورتك أو صورة شخصيتك. بترفقهم بالشات زي أي ملف (صفحة Higgsfield نفسها بتقول «attach any references before sending»)، أو بتعطيه روابطهم؛ ولو احتاج، Higgsfield بتفتح لك نافذة رفع خاصة فيها بالشات.
اكتب البرومت:

بالعربي

استعمل Higgsfield Genjutsu: أعد صنع المقطع المرفق بشخصيتي من الصورة، مع الحفاظ على الحركة وحركة الكاميرا والتوقيت بالضبط. الناتج 9:16 لريل.

In English (the wording Higgsfield itself suggests)

@Higgsfield Use Genjutsu to remake my reference video with my own characters, locations and products while preserving the original motion, camera movement and timing. Ask me to upload my reference video and images before starting.

Claude بيرسل المهمة لـ Higgsfield بالإعدادات المناسبة وبيرجع لك بالنتيجة أو برابطها بالشات، والملف بيكون كمان بـ Assets بحسابك على Higgsfield. لو بدك تبدّل عنصر واحد بس (منتج، خلفية): اكتب «بدّل X بـ Y وخلّي الباقي» (هاد وضع Object Swap؛ الأول اسمه Motion Transfer).
احفظ الفيديو فوراً من الشات، وبعدها عدّل البرومت بدل ما تعيد الرفع.

نفس الشي من Claude Code

طريقة Higgsfield نفسها (تبويب Claude Code بصفحتهم): مش MCP، بل الـ CLI تبعهم مع «skills» جاهزة. انسخ هالطلب لـ Claude Code وراجع الأوامر اللي بيقترحها قبل ما يشغّلها:

Set up Higgsfield so I can generate images and videos. Install the CLI with npm i -g @higgsfield/cli, run higgsfield auth login and let me complete sign-in, then install the companion skills with npx skills add higgsfield-ai/skills. Tell me when it is ready.

بيفتح لك المتصفح لتسجيل الدخول، وبعدها بتلصق نفس برومت Genjutsu وبترفق الملفات.

أو كـ MCP عادي (الطريقة العامة بـ Claude Code لأي سيرفر MCP بعيد؛ مش مكتوبة بصفحة Higgsfield بس بتشتغل مع رابطهم):

claude mcp add --transport http --scope user higgsfield https://mcp.higgsfield.ai/mcp

بعدها جوّا Claude Code اكتب /mcp وسجّل دخول Higgsfield من الرابط اللي بيطلع (أو من الطرفية: claude mcp login higgsfield). --scope user بتخلّيه متاح بكل مشاريعك، وتسجيل الدخول لازم يصير من جلسة عادية مش من وضع -p. من هون بتقدر تخلّي Claude Code يعمل سلسلة: يطلّع 3 نسخ من نفس المرجع بشخصيات مختلفة ويحطها بمجلد.

لسا ما ركّبت Claude Code؟ دليل التثبيت، والأوامر فيه قسم MCP.

كريدت وأخطاء

الكريدت بيروح بالمحاولات، مش بالنتيجة.

نصائح بتوفّر كريدت

Lite أول ومقطع قصير (5 إلى 10 ثواني) قبل الإصدار الكامل والمقطع الطويل.
مرجع بشخص واحد وحركة واضحة: المشاهد المزدحمة بتخرب التبديل وبتاكل محاولات.
صورة بنفس زاوية الوجه اللي بالمرجع تقريباً، وبدون نظارات أو ظل قوي.
عدّل البرومت، لا تعيد الرفع: نفس الشات بيحتفظ بالملفات.
9:16 من البداية إذا هدفك ريل: القص بعدين بيضيّع أطراف الحركة.

أخطاء بتخرب النتيجة

وجه حدا بدون إذنهمشهور أو شخص تعرفه: شروط Higgsfield (محدّثة أكتوبر 2026) بتطلب إذن أي شخص بيظهر بمحتواك، والمنصات بتحذف.

إنت أو شخصية من صنعكوبإذن مكتوب لو كان حدا تاني.

مرجع فيه 4 أشخاص وكاميرا بتهتزالموديل ما بيعرف مين يبدّل.

شخص واحد، حركة واضحة، كاميرا ثابتة أو حركة بسيطةالنتيجة من أول محاولة.

الإصدار الكامل من أول تجربةكريدت كثير على مقطع ما جرّبته.

Lite وقصير أوللما تعجبك الحركة، اطلع للكامل.

تنشر بدون وسم AIالناس بتحس إنها انخدعت، والمنصات بتطلب الوسم.

وسم «AI-generated» وسطر بالكابشنبالريل تبعي كتبت إنها Genjutsu ومدفوعة.

أسئلة شائعة

لازم أدفع لـ Higgsfield ولـ Claude؟

Higgsfield إيه: التوليد بالكريدت. Claude لا: الـ connector المخصّص متاح حتى بالخطة المجانية (واحد بس)، فبتقدر تجرّب الربط كله بدون ما تدفع لـ Claude.

بقدر أعملها بدون Claude، من موقع Higgsfield مباشرة؟

إيه، ونفس الكريدت. الفرق إنه بـ Claude بتكتب طلبك بالعربي وهو بيختار الإعدادات ويرفع ويرجّع، وبتقدر تكمّل بنفس الشات (نسخة تانية، تبديل عنصر، كابشن للريل). البرومتات المفصّلة لموقعهم بدليل تحكّم كامل بفيديو الـ AI.

شو حدود المقطع المرجعي؟

المقطع المرجعي من 4 لـ 30 ثانية (بالكامل وبـ Lite)، صور مرجعية حتى 30 (Lite: 10)، والناتج 480p أو 720p أو 1080p (Lite: 720p و1080p). الناتج بيمشي على قياس المقطع المرجعي، فخلّيه 9:16 من البداية إذا هدفك ريل.

الوجه طلع مش مشابه؟

غالباً الصورة: زاوية مختلفة عن المرجع، إضاءة ضعيفة، أو وجه صغير بالكادر. جرّب صورة أوضح وبنفس الزاوية، ومقطع أقصر. ولو المرجع فيه حركة رأس سريعة، اختار مرجع أهدى.

Claude ما استعمل Higgsfield، أو طلع خطأ Authorization؟

افتح محادثة جديدة، اذكر Higgsfield بالاسم بالطلب، وتأكد إنه الـ connector مفعّل من زر +. خطأ «Authorization with the MCP server failed» معناه انتهت الجلسة: افصل الـ connector وأعد ربطه من Connectors. ولو خلص التوليد وما وصلك شي، استنى دقيقة وافتح Manage Account → Usage بـ Higgsfield: النتيجة بتكون هناك وبـ Assets.

كيف عملت الريل نفسه؟

صفحة Higgsfield MCP حقيقية (تبويب Claude وبطاقة Genjutsu) مع صوتي، وبطاقات المشاهدات اللي بأول الريل توضيحية مش أرقام حقيقية. الكابشن بيقول من أول سطر إنها مدفوعة.