Claude Code يبرمج زي مبرمج سينيور: خمس إضافات مجانية، الروابط وطريقة التركيب — ضياء البوزان

Q: كيف بتأكد إنه الإضافة اشتغلت فعلاً؟

سيرفرات MCP (Context7 و21st): اكتب /mcp بالجلسة أو claude mcp list بالطرفية؛ ✔ يعني متصل، ✘ يعني فشل الاتصال (غالباً مفتاح غلط أو ما أعدت التشغيل). الإضافات (Agent Skills): اكتب /plugin وشوفها بقائمة المركّب، أو جرّب /spec. Graphify: لازم يطلع مجلد graphify-out/ بعد أول تشغيل.

Q: كيف بشيل وحدة منهم؟

سيرفرات MCP: claude mcp remove context7 (أو 21st). الإضافات: من قائمة /plugin. Context7 المركّب بالأمر: npx ctx7 remove. Graphify: graphify uninstall (مع --purge بيحذف مجلد الخريطة كمان). Strix: احذف الحزمة بنفس الطريقة اللي ركّبتها فيها (pipx uninstall strix-agent مثلاً).

الخمسة بنظرة: مين بتعمل شو

كل وحدة بتسدّ ثغرة مختلفة بطريقة شغل Claude Code. مش لازم تركّبها كلها اليوم: ابدأ بالأولى والثانية، وبعدها ضيف حسب حاجتك. الأرقام من GitHub يوم 2026-11-02.

الإضافة	شو بتعمل لـ Claude Code	نجوم GitHub	كيف بتتركّب	امتى بتحتاجها
Agent Skills	25 مهارة هندسية (تخطيط، اختبارات، مراجعة، نشر…) بتتفعّل لحالها حسب المرحلة	112 ألف+	إضافة (plugin) من داخل Claude Code	من اليوم الأول
Context7	بيجيب توثيق المكتبة بنفس الإصدار اللي بتستعمله، فما بيبرمج على نسخ قديمة	64 ألف+	أمر واحد، أو إضافة رسمية	أول ما تستعمل مكتبة خارجية
Graphify	بيحوّل مشروعك لخريطة معرفة بيسألها بدل ما يعيد يقرأ الملفات	141 ألف+	أمرين بالطرفية + /graphify	مشروع أكبر من 20 ملف
21st MCP	بحث بأكثر من 10 آلاف مكوّن واجهة React/Tailwind وتركيبها بمشروعك	6 آلاف+ (المستودع القديم)	أداة 21st من npm + تسجيل دخول	لما تبني واجهة
Strix	وكيل اختبار اختراق: بيهاجم تطبيقك فعلياً، بيثبت الثغرة، وبيقترح الإصلاح	73 ألف+	سكربت تركيب + Docker + مفتاح LLM	قبل أي نشر

عادات

Agent Skills بتخلّيه يخطّط ويختبر ويراجع قبل ما يقول «خلصت».

معرفة

Context7 للعالم برّا مشروعك، Graphify لجوّا مشروعك.

أيدي

21st بيعطيه مكوّنات جاهزة، Strix بيفحص اللي بناه.

هاد الدليل تكملة لدليل الأربع إضافات اللي بتدير وكالتك: هناك إضافات للشغل والعملاء، هون إضافات للبرمجة نفسها.

الخمس

لكل وحدة: الرابط، التركيب، وأول أمر تجرّبه.

Agent Skills: 25 مهارة بتشتغل لحالها

من Addy Osmani (مهندس بـ Google) وفريقه. الرابط: github.com/addyosmani/agent-skills، رخصة MIT. الفكرة: ملفات مهارات (Skills) بتوصف كيف السينيور بيشتغل بكل مرحلة، من كتابة المواصفات لحد النشر، ومعها 9 أوامر جاهزة. المهارة المناسبة بتتفعّل لحالها: بتصمّم API؟ بتشتغل مهارة تصميم الواجهات البرمجية. بتبني واجهة؟ بتشتغل مهارة الواجهات. (شو هي الـ Skill أصلاً وكيف بتشتغل: دليل الـ Skills.)

الطريقة الرسمية: داخل جلسة Claude Code، أمرين (السوق أولاً، بعدها الإضافة):

/plugin marketplace add addyosmani/agent-skills
/plugin install agent-skills@addy-agent-skills

أو من الطرفية (بينسخ الـ 25 مهارة كملفات، وبيشتغل مع 70+ وكيل غير Claude Code):

npx skills add addyosmani/agent-skills

طلع لك خطأ Permission denied (publickey)؟ السوق بينسخ المستودع عبر SSH. إذا ما عندك مفتاح SSH على GitHub، اعمل السطر الأول بالرابط الكامل بدل الاسم القصير: /plugin marketplace add https://github.com/addyosmani/agent-skills.git وبعدها نفس أمر التركيب.

بعد التركيب، لو Claude Code قال Reload needed اكتب /reload-plugins أو افتح جلسة جديدة. الأوامر التسعة:

الأمر	شو بيعمل	المبدأ
`/spec`	بيكتب مواصفات الميزة قبل أي سطر كود	المواصفات قبل الكود
`/plan`	بيقسّم المواصفات لمهام صغيرة قابلة للتحقق	مهام صغيرة
`/build`	بيبني شريحة وحدة، بيختبرها، بيعمل commit، وبيكمّل	شريحة بشريحة
`/test`	اختبارات بتثبت إنه الشغل بيشتغل	الاختبار هو الدليل
`/constraints`	بيسألك عن معايير الجودة وبيكتبها بملف CONSTRAINTS.md	قرّرها مرة
`/agent-skills:review`	مراجعة كود من خمس زوايا قبل الدمج	حسّن صحة الكود
`/webperf`	تدقيق أداء الويب (Core Web Vitals)	قِس قبل ما تحسّن
`/code-simplify`	تبسيط الكود بدون تغيير سلوكه	الوضوح قبل الذكاء
`/ship`	قائمة ما قبل النشر: أعلام، نشر تدريجي، تراجع	الأسرع هو الأأمن

ليش review مكتوبة بالصيغة الطويلة؟ لأنه Claude Code عنده أمر مدمج بنفس الاسم؛ أي أمر من إضافة بتقدر تناديه بصيغة /plugin-name:command-name لما يصير تعارض. جرّب أول ميزة هيك:

/spec add email sign-in with a 6-digit code sent by email, with tests

الوصف بعد الأمر ممكن يكون بالعربي. بعدها /plan ثم /build. ولما تتعوّد: /build auto بيولّد الخطة وبينفّذ كل المهام بموافقة وحدة، وبيوقف لحاله عند أي فشل أو خطوة خطرة.

Context7: أحدث توثيق للمكتبات

المشكلة: Claude بيعرف المكتبات من بيانات تدريبه، يعني نسخ عمرها سنة أو أكثر. فبيعطيك دوال انشالت، أو إعدادات من إصدار قديم. Context7 من Upstash بيجيب التوثيق والأمثلة الحالية للمكتبة والإصدار اللي بتستعمله، وبيحطّها بسياق الجلسة. الرابط: github.com/upstash/context7، رخصة MIT. بيعطي Claude أداتين: resolve-library-id (بتلاقي المكتبة) وquery-docs (بتجيب التوثيق لسؤالك).

الأسهل: أمر واحد بالطرفية (بده Node 22.13 أو أحدث). بيفتح المتصفح لتسجيل الدخول، بيعمل لك مفتاح API مجاني، وبيركّب المهارة:

npx ctx7 setup --claude

أو الإضافة الرسمية من داخل Claude Code (بدون Node ولا npx، مناسبة لويندوز):

/plugin marketplace add upstash/context7
/plugin install context7@context7-marketplace

بعدها أعد تشغيل Claude Code، اكتب /mcp، اختار Context7، وكمّل تسجيل الدخول بالمتصفح. ما بده مفتاح API.

أو يدوياً كسيرفر MCP (لجهاز بدون متصفح أو لسيرفر). المفتاح مجاني من context7.com/dashboard؛ --scope user بتخلّيه شغال بكل مشاريعك:

claude mcp add --scope user --header "Authorization: Bearer YOUR_API_KEY" --transport http context7 https://mcp.context7.com/mcp

تأكد إنه اشتغل: اكتب /mcp بالجلسة، أو من الطرفية claude mcp list: لازم تشوف ✔ جنب context7. الاستعمال: اطلب شغلك عادي، وضيف بالآخر «use context7» (مع ctx7 setup المهارة بتشتغل لحالها حتى بدون ما تقولها):

اعمل لي middleware بـ Next.js 16 بيفحص JWT بالكوكيز وبيحوّل غير المسجّل على صفحة الدخول. use context7

اعطيني أمثلة استعلامات Prisma مع العلاقات (relations) للإصدار اللي بمشروعي. use context7

صيغة سياسة row-level security بـ Supabase لجدول فيه user_id. use context7 with /supabase/supabase

المثال الأخير فيه حركة سينيور: لو بتعرف معرّف المكتبة بصيغة /owner/repo (مثل /vercel/next.js) اكتبه، فبيقفز خطوة البحث. ولو بدك إصدار معيّن اذكره بالجملة. وعشان ما تضل تكتب «use context7»، ضيف هالقاعدة لملف CLAUDE.md بمشروعك:

Always use Context7 when I need library/API documentation, code generation, setup or configuration steps without me having to explicitly ask.

Graphify: خريطة معرفة لمشروعك

Context7 بيعرّف Claude على العالم برّا مشروعك؛ Graphify بيعرّفه على مشروعك نفسه. بيحلّل الكود (حوالي 40 لغة، تحليل محلي بدون LLM)، والتوثيق والـ SQL والـ PDF، وبيبني خريطة معرفة: مين بينادي مين، شو بيعتمد على شو، وشو أهم العقد بالمشروع. بعدها Claude بيسأل الخريطة بدل ما يعيد يقرأ الملفات كل جلسة، وهاد بيوفّر عليك اشتراكك. الرابط: github.com/Graphify-Labs/graphify، رخصة Apache-2.0. عملت له دليل كامل من قبل: اشتراكك بالـ$20 خلّيه يشتغل زي الـ$100؛ هون المختصر.

بده Python 3.10 أو أحدث وأداة uv. تركيب uv على ويندوز (PowerShell):

winget install astral-sh.uv

على ماك أو لينكس:

curl -LsSf https://astral.sh/uv/install.sh | sh

بعدها أمرين (انتبه: اسم الحزمة graphifyy بحرفين y؛ الثاني بيكتشف Claude Code وبيسجّل المهارة):

uv tool install graphifyy
graphify install

وبداخل Claude Code، من مجلد المشروع:

/graphify .

بيطلع لك مجلد graphify-out/ فيه ثلاث ملفات: graph.html (خريطة تفاعلية بالمتصفح)، GRAPH_REPORT.md (أهم المفاهيم والروابط المفاجئة)، وgraph.json (الخريطة كاملة اللي Claude بيستعلم منها). الأوامر اليومية:

/graphify query "what connects auth to the database?"
/graphify path "UserService" "DatabasePool"
/graphify explain "RateLimiter"
/graphify . --update

الأخير بعد كل تغييرات كبيرة (أو بعد git pull) عشان الخريطة تلحق الكود. ولو بدك المهارة بمشروع واحد بس بدل جهازك كله: graphify install --project.

21st MCP: مكوّنات واجهة جاهزة

21st.dev مكتبة فيها أكثر من 10 آلاف مكوّن واجهة React/Tailwind (جداول أسعار، قوائم، بطاقات…) من مصمّمين حقيقيين. الـ MCP بيخلّي Claude Code يدوّر فيها، يجيب كود المكوّن، ويركّبه بمشروعك بألوانك. الرابط اللي بالريل github.com/21st-dev/magic-mcp صار مستودع توافق قديم: الأداة الحالية اسمها 21st CLI والإعداد على 21st.dev/mcp. (تنبيه صدق: البحث مجاني بكل الحسابات، أما جلب كود المكوّن فمحسوب: الحساب المجاني إله حصة صغيرة باليوم، والتوليد بالذكاء الاصطناعي مدفوع. التفاصيل بقسم تنبيهات صدق.)

ركّب الأداة وسجّل دخول (بيفتح المتصفح وبيحفظ التوكن على جهازك):

npm i -g @21st-dev/cli
21st login

اكتب إعداد الـ MCP لـ Claude Code (بيندمج مع إعداداتك الموجودة، ما بيمسح سيرفرات ثانية)، وركّب مهارات 21st عشان Claude يعرف كيف يستعملها:

21st init --client claude --write
21st skills install --global

بديل يدوي: مفتاح API من 21st.dev/settings/api-keys وسيرفر HTTP عادي:

claude mcp add --transport http 21st https://21st.dev/api/mcp --header "x-api-key: YOUR_21ST_API_KEY"

تأكد بـ /mcp إنه 21st عليه ✔. بعدها اطلب عادي بالكلام (الكلمة القديمة /ui ما عاد إلها معنى):

دوّر لي بـ 21st على جدول أسعار فيه تبديل شهري/سنوي، اعرض لي أفضل 3 خيارات باختصار، وبعد ما أختار ركّبه بألوان المشروع (متغيرات Tailwind تبعنا) مش بألوانه الأصلية.

بدي صفحة إعدادات للمستخدم بنفس ستايل الموقع: ابحث بـ 21st عن مكوّنات مناسبة، استعمل منها اللي بيلزم بس، وتأكد إنه الـ build بيمرّ قبل ما تقول خلصت.

ملاحظة لمن ركّب Magic MCP القديم: مفاتيح Magic القديمة كلها انلغت؛ اعمل مفتاح جديد من 21st.dev/mcp أو سجّل دخول بالأداة الجديدة.

Strix: هاكر أخلاقي لتطبيقك

Strix وكلاء ذكاء اصطناعي لاختبار الاختراق: بيشغّلوا تطبيقك فعلياً، بيدوّروا على ثغرات (حقن SQL، XSS، تجاوز صلاحيات، IDOR، SSRF…)، وبيثبتوا كل ثغرة بهجوم حقيقي قبل ما يبلّغوا عنها، فما في إنذارات كاذبة زي الماسحات القديمة. وبالآخر تقرير مع اقتراح إصلاح. الرابط: github.com/usestrix/strix، رخصة Apache-2.0، التوثيق على docs.strix.ai.

على تطبيقاتك إنت بس. Strix بيهاجم الهدف اللي بتعطيه فعلاً. شغّله على كودك ومواقعك، أو على نظام عندك إذن كتابي صريح تفحصه. فحص نظام غيرك بدون إذن جريمة بأغلب الدول، والمسؤولية عليك.

بده شيئين قبل: Docker شغال (على ماك وويندوز: Docker Desktop)، ومفتاح API لنموذج لغوي من أي مزوّد مدعوم (OpenAI، Anthropic، Google، OpenRouter…). الفحص بيستهلك من رصيد هالمفتاح. التركيب على ماك أو لينكس:

curl -sSL https://strix.ai/install | bash

أو عبر pipx إذا عندك Python:

pipx install strix-agent

حدّد النموذج والمفتاح (التوثيق بينصح بـ GLM-5.3 عبر OpenRouter أو Vercel AI Gateway؛ Strix بيحفظ الإعداد بعد أول مرة):

export STRIX_LLM="openrouter/z-ai/glm-5.3"
export LLM_API_KEY="your-api-key"

أول فحص على مجلد مشروعك (أول مرة بينزّل صورة Docker للصندوق المعزول):

strix --target ./your-app

النتائج بتنحفظ بمجلد strix_runs/، وstrix view بيفتحها بلوحة محلية بالمتصفح. بتقدر تعطيه رابط موقعك الحي أو مستودع GitHub بدل المجلد. للفحص السريع بدون واجهة (مناسب قبل كل نشر): strix -n --target ./your-app --scan-mode quick، وفي خيار --max-budget بيحط سقف للتكلفة.

وعشان Claude Code نفسه يعرف يشغّل Strix ويصلّح اللي بيلاقيه: 9 مهارات رسمية بأمر واحد:

npx skills add usestrix/strix

افحص هالمشروع بـ Strix بالوضع السريع وبميزانية 10 دولار كحد أقصى، ولخّص لي النتائج مرتبة حسب الخطورة.

صلّح كل الثغرات الحرجة والعالية من آخر فحص Strix، وبعدها أعد الفحص عشان تتأكد إنها انسكرت.

ضيف فحص Strix على GitHub Actions عشان كل pull request ينفحص قبل الدمج.

على ويندوز: التوثيق الرسمي بيعطي أوامر ماك ولينكس بس. الطريقة المضمونة: Docker Desktop مع تفعيل تكامل WSL، وتشغيل أمر التركيب والفحص من داخل WSL (Ubuntu). ولو ما بدك Docker ولا مفتاح أصلاً، في نسخة سحابية مُدارة على app.strix.ai بتسجيل مجاني، بس هاي خدمة مش الأداة المفتوحة.

الاستعمال

الترتيب، الأخطاء، وشو المجاني بالضبط.

الترتيب الصح، ويوم شغل كامل

لا تركّب الخمسة بيوم واحد وتضيع. هاد الترتيب اللي بينفع أغلب الناس:

Agent Skills أولاً. هي الأساس: بتغيّر طريقة شغل Claude بكل مهمة، ومجانية بالكامل، وتركيبها دقيقة.
Context7 بنفس اليوم. أول ما تستعمل مكتبة خارجية بتحس بالفرق: ما عاد يخترع دوال.
Graphify لما يكبر المشروع. فوق 20 ملف، أو لما تلاحظ إنه كل جلسة بتبدأ بـ «خلّيني أقرأ المشروع».
21st لما تبني واجهة. ما إله لزوم بمشروع خلفي (backend) بس.
Strix قبل النشر. مرة قبل كل نشر مهم، أو على كل pull request لو عندك CI.

وهيك بيصير يوم الشغل مع الخمسة، على ميزة جديدة:

/spec ووصف الميزة بالعربي. بيرجع لك مواصفات؛ عدّل عليها قبل ما تكمّل.
/plan بيقسّمها لمهام. اقرأها: هون بتكتشف إنه فهم غلط، مش بعد ما يبني.
/graphify query عن الجزء اللي رح يتعدّل، عشان يعرف شو ممكن ينكسر.
/build شريحة بشريحة. Context7 بيشتغل لحاله لما يلمس مكتبة خارجية.
الواجهة من 21st، بألوان مشروعك، مش بألوان المكوّن.
/agent-skills:review قبل الدمج. خلّيه يصلّح اللي بيلاقيه بنفسه.
فحص Strix سريع على الفرع. الحرج والعالي بيتصلّح قبل الدمج.
/ship: قائمة ما قبل النشر، وبعدها /graphify . --update عشان الخريطة تلحق.

أخطاء بتضيّع وقتك

تركيب الخمسة بيوم واحدبتصير الجلسة مليانة أدوات ما بتعرف مين عمل شو، وبتحكم على الأدوات بالغلط.

وحدة أو ثنتين بالأسبوعAgent Skills وContext7 أولاً، وجرّبهم على ميزة حقيقية قبل ما تضيف غيرهم.

pip install graphifyحزمة ثانية ما إلها علاقة. الاسم الرسمي بحرفين y.

uv tool install graphifyyوبعدها graphify install. الأمر بالطرفية اسمه graphify بحرف واحد.

سيرفر MCP محلي بدون الشرطتينclaude mcp add name npx -y pkg: الأداة بتفهم خيارات السيرفر كأنها خياراتها وبتفشل.

اسم السيرفر، بعدها --، بعدها الأمرclaude mcp add name -- npx -y pkg. أو استعمل سيرفرات HTTP زي اللي بهالدليل وريّح راسك.

Context7 بدون مفتاح وبدون تسجيل دخولبيشتغل، بس بتوصل لحدود الاستعمال بسرعة.

ctx7 setup أو الإضافة الرسميةمفتاح مجاني وحدود أعلى، بدقيقة.

Strix على موقع مش إلك «بس عشان أجرّب»هجوم حقيقي على نظام غيرك. جريمة، حتى لو ما لقى شي.

Strix على مجلد مشروعك أو نسخة staging إلكنفس النتيجة، بدون مشاكل قانونية.

إعدادات Magic MCP القديمة بمفتاح قديمالمفاتيح القديمة كلها انلغت؛ بيطلع خطأ مصادقة وبتظن المشكلة عندك.

أداة 21st الجديدة أو مفتاح جديد21st login أو مفتاح من 21st.dev/mcp.

تنبيهات صدق: شو المجاني بالضبط

الخمسة مفتوحة المصدر ومجانية التركيب. بس «مجاني» بالذكاء الاصطناعي إله حدود، وهاي هي بالضبط حتى ما تتفاجأ.

Agent Skills: مجانية بالكامل (MIT)، ملفات نصية بتشتغل بجلسة Claude Code العادية. ما في خدمة وراها.
Context7: مجاني مع مفتاح API مجاني ورفع لحدود الاستعمال؛ في خطط مدفوعة للاستعمال الكثيف. الخدمة سحابية: بتبعت اسم المكتبة وسؤالك، مش ملفات مشروعك.
Graphify: الأداة المحلية مجانية بالكامل، وتحليل الكود بيصير على جهازك بدون أي نموذج. الشركة عندها نسخة سحابية مدفوعة (Graphify Cloud) ما بتحتاجها لمشروع واحد.
21st: البحث مجاني بكل الحسابات. جلب كود المكوّن محسوب: الحساب المجاني إله حصة صغيرة باليوم، والاشتراك بيفتحها بلا حدود. التوليد بالذكاء الاصطناعي (21st AI) مدفوع. وأرقام نجوم المستودع بالريل (6 آلاف) لمستودع Magic القديم؛ المنتج أكبر من هيك.
Strix: الأداة مجانية، بس كل فحص بيستهلك من مفتاح النموذج اللي بتحطه (دولارات حسب حجم المشروع والوضع)، وبده Docker. لو بدك تشغّله على Claude Opus 5.5 كنموذج، التوثيق بيقول إنه بده قبول ببرنامج التحقق السيبراني من Anthropic؛ الأسهل GLM-5.3 عبر OpenRouter زي ما بينصحوا.
الأرقام: النجوم من GitHub يوم 2026-11-02، وبتتغيّر كل يوم. «25 مهارة» و«9 أوامر» من README المشروع نفسه. Addy Osmani مهندس بـ Google؛ ما حطّيت منصبه بالضبط لأنه ما لقيته موثّق.

أسئلة شائعة

بتشتغل كلها على ويندوز؟

أربعة منها نعم مباشرة: Agent Skills وContext7 (استعمل الإضافة الرسمية أو سيرفر HTTP) وGraphify (مع uv من winget) و21st (npm). Strix توثيقه لماك ولينكس؛ على ويندوز شغّله من WSL مع Docker Desktop. Claude Code نفسه بيشتغل على ويندوز أصلي (PowerShell) وعلى WSL، وإذا لسا ما ركّبته: دليل تركيب Claude Code.

لازم أركّب الخمسة؟

لا. لو بدك وحدة بس: Agent Skills. ثنتين: ضيف Context7. الباقي حسب شغلك: Graphify للمشاريع الكبيرة، 21st للواجهات، Strix لأي شي رح ينزل على الإنترنت.

كيف بتأكد إنه الإضافة اشتغلت فعلاً؟

سيرفرات MCP (Context7 و21st): اكتب /mcp بالجلسة أو claude mcp list بالطرفية؛ ✔ يعني متصل، ✘ يعني فشل الاتصال (غالباً مفتاح غلط أو ما أعدت التشغيل). الإضافات (Agent Skills): اكتب /plugin وشوفها بقائمة المركّب، أو جرّب /spec. Graphify: لازم يطلع مجلد graphify-out/ بعد أول تشغيل.

Context7 بيشوف كود مشروعي؟

أداتاه بياخدوا اسم المكتبة وسؤالك بس، وبيرجّعوا توثيق. ملفات مشروعك بتضل عند Claude Code على جهازك. Graphify أيضاً بيحلّل الكود محلياً بدون أي إرسال؛ بس المرور الدلالي على التوثيق والصور (لو فعّلته) بيستعمل نموذج مساعدك.

ليش أمر review ما بيشتغل زي ما بالجدول؟

لأنه Claude Code عنده أمر مدمج اسمه /review، فبيسبق أمر الإضافة. اكتب الصيغة الكاملة /agent-skills:review. نفس القاعدة لأي أمر من أي إضافة لما يصير تعارض.

قديش بتستهلك من اشتراك Claude؟

Agent Skills بتزيد الاستهلاك شوي (الخطة والاختبارات كلام أكثر) بس بتوفّر إعادة الشغل. Context7 بيضيف توثيق للسياق لما يحتاجه بس. Graphify بالعكس: بيقلّل الاستهلاك لأنه Claude بيسأل الخريطة بدل ما يقرأ عشرات الملفات (هاد كان موضوع دليل الخريطة). Strix ما بيلمس اشتراك Claude، بيستهلك من مفتاحه الخاص.

كيف بشيل وحدة منهم؟

سيرفرات MCP: claude mcp remove context7 (أو 21st). الإضافات: من قائمة /plugin. Context7 المركّب بالأمر: npx ctx7 remove. Graphify: graphify uninstall (مع --purge بيحذف مجلد الخريطة كمان). Strix: احذف الحزمة بنفس الطريقة اللي ركّبتها فيها (pipx uninstall strix-agent مثلاً).