ليش صورتين مش صورة؟
الترند كله «الرسمة بتصير حقيقة». يعني بدك نقطة بداية (الرسمة) ونقطة نهاية (المشهد الحقيقي) بنفس التكوين بالضبط: الخيمة بنفس المكان، الجملين بنفس المكان، النخلة بنفس المكان. وضع Frames بـ Flow مصمّم لهاد: بتعطيه أول فريم وآخر فريم، وهو بيرسم الحركة بيناتهم.
01
الصورة الأولى
رسمة طفل بالشمع: خيمة، جملين، نخلة، شمس. خطوط مرتجفة وورق واضح.
02
الصورة الثانية
نفس الرسمة كمرجع + «حوّلها لصورة حقيقية بنفس التكوين».
03
الفيديو
Frames: الأولى بالبداية والثانية بالنهاية، والبرومت بيوصف التحوّل.
السر بالصورة الثانية: لازم تنعمل بالرسمة كمرجع مش من الصفر. هيك الموديل بيحافظ على نفس أماكن العناصر، والتحوّل بالفيديو بيطلع سلس. لو عملت الصورة الثانية لحالها، الخيمة بتنقل من اليمين لليسار والفيديو بيصير فوضى.
نفس تقنية Frames بس بين مكانين بدل رسمة وحقيقة: من وادي رم للبترا بموجة رمل. ومشهد أكشن بأول فريم بس: بكم بنطّ فوق راسي.
دقيقة قبل أول برومت
الخطوات نفسها اللي بالريل، بالترتيب.
1
الإعدادات والخطوات الخمسة
افتح Google Flow (labs.google/flow) واعمل مشروع جديد. بعدها:
- الصورة الأولى: من صندوق البرومت اختار Image، الصق برومت الرسمة (القسم 2)، واكبس Generate.
- الصورة الثانية: من الصورة اللي طلعت اختار «Add as reference» (أو اسحبها على زر +)، الصق برومت المشهد الحقيقي (القسم 3)، Generate.
- الفيديو: اكبس على اسم الموديل واختار Video وبعدها Frames.
- الفريمات: اسحب الرسمة على «Add start frame» والصورة الحقيقية على «Add end frame».
- الحركة: الصق برومت الفيديو (القسم 4)، Generate، واستنى دقيقة.
| الخطوة | الإعداد اللي استعملته |
|---|---|
| الصورتين | وضع Image · موديل Nano Banana Pro · قياس 9:16 (عمودي للريلز) |
| الفيديو | وضع Video ← Frames · موديل Gemini Omni Flash 1.1 · 720p · 9:16 · عشر ثواني |
| النسخ | اطلب نسختين (x2) من الفيديو واختار الأحسن؛ التحوّل بيطلع مختلف كل مرة |
| بعد التوليد | ارفع النسخة اللي عجبتك لـ 1080p من زر الرفع قبل التنزيل |
انسخ، الصق، Generate
البرومتات بالإنجليزي لأن الموديل بيفهمها أدق. بدّل عناصر المشهد بس.
2
الصورة الأولى: الرسمة
Image · Nano Banana Pro · 9:16
Vertical 9:16. A child's wax crayon drawing on white paper, naive and colourful: a Bedouin black tent in the desert, two camels, a palm tree, a big yellow sun and orange sand dunes. Wobbly crayon lines, visible paper texture, the drawing fills the whole frame. No text, no letters.
- «naive and colourful… wobbly crayon lines»: هاي اللي بتخلي الرسمة تبين رسمة طفل فعلاً، مش رسمة فنان بستايل كرتوني.
- «visible paper texture»: الورق هو اللي بيحسّسك إنها حقيقية، وهو اللي رح «يذوب» بالفيديو.
- «the drawing fills the whole frame»: بدون هاي بيطلع الورق صغير بنص الصورة وحواليه طاولة.
- «No text, no letters»: الأطفال بيكتبوا أسماءهم على الرسمة، والموديل بيقلّدهم بحروف غلط. امنعها.
3
الصورة الثانية: نفس المشهد حقيقي
مهم: الصورة الأولى لازم تكون مضافة كمرجع قبل ما تكبس Generate. البرومت بيحكي عن «this exact child's drawing»، وبدون المرجع ما بيعرف أي رسمة.
Image · Nano Banana Pro · 9:16 · reference = الصورة الأولى
Turn this exact child's drawing into a real photo with the same composition: a real Bedouin black goat-hair tent in the desert, two real camels, a real palm tree, the sun low over golden sand dunes. Photorealistic, golden hour, cinematic. No text.
- «with the same composition»: أهم جملة بالدليل كله. هي اللي بتخلي كل عنصر يضل بمكانه عشان يصير التحوّل سلس.
- «real… real… real»: تكرار مقصود. بدونه الموديل بيطلّع نسخة «محسّنة» من الرسمة، مش صورة حقيقية.
- «golden hour»: الشمس بالرسمة صفرا وكبيرة؛ الغروب هو أقرب إضاءة حقيقية إلها.
- طلعت الخيمة بغير مكان؟ أعد التوليد بنفس البرومت؛ أو ضيف «keep the tent on the left and the palm on the right exactly as drawn».
4
الفيديو: Frames من الرسمة للحقيقة
الرسمة أول فريم، والصورة الحقيقية آخر فريم، والبرومت بيوصف كيف بيصير التحوّل:
Video · Frames · Gemini Omni Flash 1.1 · 720p · 9:16 · 10s
The crayon drawing slowly comes alive: the crayon lines turn into the real desert scene, colour and texture spreading across the paper until it becomes the real photo exactly as in the end frame; the camels begin to move and the tent fabric moves in the wind. Soft wind sound. No music, no speech, no text.
- «slowly comes alive»: التحوّل بطيء عشان يملأ العشر ثواني. لو كتبت «suddenly» بيخلص بثانيتين وباقي الفيديو ثابت.
- «colour and texture spreading across the paper»: بيعطي الموديل طريقة التحوّل: ينتشر زي الحبر، مش يقطع (cut) فجأة.
- «exactly as in the end frame»: بيربطه بآخر فريم عشان ما يخترع مشهد تالت بالنص.
- «the camels begin to move… tent fabric moves»: حركة صغيرة بآخر ثانيتين بتثبّت إنه المشهد صار حقيقي. بدونها بيبين صورة ثابتة.
الصوت: «Soft wind sound» بيعطيك هوا خفيف من الموديل نفسه. خلّي «No music» عشان تحط موسيقتك بالمونتاج بدون تداخل. وإذا طلع الفيديو بدون صوت، أعد التوليد: أحياناً الصوت بيفشل والكريدت بيرجع لحاله.
الكريدت والقالب
الأرقام من اشتراكي أنا؛ عندك ممكن تختلف حسب خطتك.
5
الكريدت والنسخ
الفيديو
15 كريدت للنسخة الوحدة بعشر ثواني على Gemini Omni Flash 1.1 بـ 720p (جدول Google: 7 / 10 / 12 / 15 كريدت لـ 4 / 6 / 8 / 10 ثواني).
الصورتين
صفر كريدت: صور Nano Banana Pro ما بتنحسب من الكريدت، بس إلها حد يومي (20 بدون اشتراك، 100 على Plus وPro، 500 على Ultra).
نسختين x2
30 كريدت للفيديو، وبتختار التحوّل الأنعم. أرخص من إعادة التوليد مرة ورا مرة.
1080p ببلاش
ولّد على 720p، ولما يزبط التحوّل ارفعه لـ 1080p من زر الرفع: صفر كريدت للمشتركين (الـ 4K بـ 50 كريدت وعلى Ultra بس).
بدك مقارنة الموديلات بالأرقام على نفس البرومت؟ بـ دليل إعلان العطر (قسم الكريدت).
6
رسمة ابنك الحقيقية: القالب
هون الريل بيصير إلك فعلاً: بدل ما تولّد الرسمة، صوّر رسمة ابنك أو بنتك الحقيقية بالموبايل وارفعها كمرجع. بتوفّر الصورة الأولى كلها، والقصة أحلى.
- صوّر الرسمة من فوق، بإضاءة نهار، والورقة كاملة بالصورة بدون إيدين ولا طاولة كتير. اقصّها بالموبايل لـ 9:16.
- ارفعها بـ Flow من زر + كمرجع، واعمل الصورة الثانية بهالبرومت:
الصورة الثانية (المرجع = رسمة ابنك)
Turn this exact child's drawing into a real photo with the same composition: [list what is in the drawing, e.g. a real red house with a tiled roof, a real green tree, a real yellow car on the road, white clouds]. Keep every element in the same place as in the drawing. Photorealistic, [golden hour / bright daylight], cinematic. No text.
الفيديو (Frames: رسمة ابنك أول فريم، الصورة الحقيقية آخر فريم)
The child's drawing slowly comes alive: the crayon lines turn into the real scene, colour and texture spreading across the paper until it becomes the real photo exactly as in the end frame; [one small motion: the car drives slowly / the tree leaves move / the clouds drift]. [Soft wind / birds / street] sound. No music, no speech, no text.
- عدّد العناصر بالأقواس: كل شي مرسوم اذكره بـ «a real …». اللي ما بتذكره الموديل بيمحيه أو بيبدّله.
- حركة وحدة بس: سيارة بتمشي، أو ورق شجر بيتحرك. اثنين أو تلاتة بتصير فوضى.
- الطفل بالفيديو؟ اطلب نسخة ثانية 10 ثواني: «the child's hand puts the crayon down and the drawing comes alive» بدون وجه، عشان الخصوصية.
7
أخطاء بتخرب التحوّل
الصورة الثانية بدون مرجعالخيمة بتصير يمين بدل يسار، والفيديو بيحاول يحرّك كل إشي من مكانه.
«Add as reference» + «same composition»نفس الأماكن، وتحوّل سلس.
أول فريم بستحط الرسمة كأول فريم وتكتب «becomes real»، فالموديل بيخترع المشهد الحقيقي لحاله وبيغيّر كل شي.
Frames بأول وآخر فريمإنت اللي بتقرّر شكل النهاية. هاد الفرق بين ترند ومحاولة.
«suddenly becomes real»بيخلص التحوّل بثانيتين وباقي العشر ثواني صورة ثابتة.
«slowly… spreading across the paper»التحوّل بيملأ المدة، وهاد اللي بيخلي الناس تتفرّج للآخر.
رسمة فيها كتابةاسم الطفل على الورقة بيتحوّل لحروف غريبة بالفيديو.
«No text, no letters»بالصورة، أو اقصّ الاسم من الصورة قبل الرفع.
?
أسئلة شائعة
بدي اشتراك عشان Google Flow؟
لا، بس الكريدت محدود: بدون اشتراك عندك 50 كريدت باليوم (يعني فيديو عشر ثواني وحدة على Omni Flash وبيضل فايض)، وخطط Google AI بتزيدها: Plus 200 بالشهر، Pro 1,000، Ultra 10,000 أو 25,000. صور Nano Banana Pro ما بتاخد كريدت بس إلها حد يومي: 20 صورة بدون اشتراك، 100 على Plus وPro، 500 على Ultra.
التحوّل طلع فيه مشهد غريب بالنص؟
الموديل اخترع فريم وسطي. خلّي جملة «exactly as in the end frame» بالبرومت، واطلب x2 واختار. ولو تكرّر، قلّل عناصر الرسمة: 3 لـ 4 عناصر أسهل بكثير من 8.
بقدر أعمله أفقي 16:9 لليوتيوب؟
إيه، بدّل 9:16 بـ 16:9 بالصورتين وبالفيديو. بس للريلز وتيك توك خلّيه عمودي.
ليش ما أستعمل Veo بدل Omni؟
لأن العشر ثواني موجودة على Omni؛ موديلات Veo 3.1 حدها 8 ثواني وأغلى. للتحوّل البطيء العشر ثواني بتفرق. جرّب الاثنين لو عندك كريدت زيادة.
بدي أسوّي الريل كامل زي تبعك (الهوك والشرح)؟
الريل تبعي: 4 ثواني هوك (أنا بتفرج بالموبايل + النتيجة بكرت)، بعدها تسجيل شاشة حقيقي لخطوات Flow مع صوتي، وبالآخر النتيجة. سجّل شاشتك وإنت بتعمل الخطوات الخمسة، وقصّ وقت الانتظار.