شو اللي تغيّر بـ Claude؟
Docs
مستندات
تقرير بعناوين وجداول، جوّا المحادثة.
Slides
عروض شرائح
بتصدّرها PowerPoint أو Google Slides أو PDF.
Design
تصاميم
غلاف أو بوستر، صار يشتغل بأي محادثة.
- 16 أيلول 2026: Anthropic دمجت Cowork مع الشات بـ Claude واحد، بدون ما تختار وضع. وبنفس التحديث نزلوا Claude Docs وClaude Slides، وClaude Design صار جوّا المحادثة.
- متاح بكل الخطط حتى المجانية حسب ملاحظات الإصدار الرسمية. بخطة Enterprise ممكن يحتاج المسؤول يفعّله.
- موقع Claude Design المستقل (claude.ai/design) بيسكّر بـ 14 كانون الأول 2026، والتصميم بيكمّل من جوّا Claude. شرح Design كامل بـ دليل Claude Design.
انسخه وبدّل اللي بين [ ]
طلب واحد، 3 ملفات، بمحادثة وحدة.
1
الـ prompt كامل، جاهز للنسخ
حوّل ملاحظات الاجتماع المرفقة إلى ثلاثة ملفات:
1) تقرير Docs من صفحتين: ملخص تنفيذي، القرارات، جدول مهام (المهمة، المسؤول، الموعد).
رتّب الجدول حسب المسؤول.
2) عرض Slides من 8 شرائح: عنوان، سياق، 3 نتائج، خطة، مخاطر، الخطوة التالية.
كل شريحة: عنوان + 3 نقاط كحد أقصى.
3) غلاف من Design بألوان الشركة: [#0D1117] و [#2DD4BF]، والخط [Cairo].
القواعد:
- اللغة: عربي. النبرة: مباشرة. بدون مقدمات.
- لا تكرر الملاحظات حرفياً؛ لخّص.
- سمّ الملفات: report · deck · cover.
- بعد ما تخلص، اعرضلي الثلاثة بالترتيب.
2
شو بتغيّر فيه
| الجزء | بدّله بـ |
|---|---|
| [#0D1117] و [#2DD4BF] | ألوان شركتك بكود الـ hex (من موقعك أو ملف الهوية). |
| [Cairo] | خط هويتك. إذا عربي، اختار خط بيدعم العربي. |
| ملاحظات الاجتماع | أي مادة خام: ملاحظات، تفريغ مكالمة، إيميلات… المهم ترفقها كملف. |
| 8 شرائح / صفحتين | العدد اللي بدك ياه. خليه محدد، لأنه الطلب المفتوح بيطلع أطول من اللازم. |
من الملاحظات للملفات
على الويب أو تطبيق الكمبيوتر أو الموبايل.
3
خطوة بخطوة
- افتح محادثة جديدة بـ Claude.
- ارفق ملاحظات الاجتماع كملف (نص أو PDF أو Word).
- الصق الـ prompt بعد ما تبدّل الألوان والخط، وابعت.
- Claude بيقرر شو بيحتاج كل ملف، وبيرجعلك الملفات جاهزة للتعديل. راجعها وحدة وحدة.
بتجربتي طلعوا التلاتة من نفس الطلب. إذا عندك طلع ملف أو اتنين بس، كمّل بنفس المحادثة: «كمّل الغلاف بنفس الألوان». ما في داعي تعيد من الأول.
4
التعديل بعد ما يطلعوا
عدّل جزء واحد بس، بدل ما يعيد التلاتة:
عدّل الشريحة 4 بس: خلّي النتائج أرقام بدل جمل. ولا تغيّر ولا ملف تاني.
- العرض: بتصدّره PowerPoint أو Google Slides أو PDF.
- التقرير والغلاف: خيارات الحفظ والتصدير بتلاقيها بالملف نفسه بعد ما يطلع.
3 نصايح بتفرق
من التجربة، مش من الكتالوج.
5
نصايح وأخطاء شائعة
الغلطتلزق الملاحظات كنص طويل بالرسالة، وتكتب «ألوان أزرق غامق»، وتطلب «عدّل العرض» كله.
الصحترفق الملاحظات كملف، وتكتب الألوان بالـ hex، وتعدّل شريحة وحدة بالاسم أو بالرقم.
- ارفق الملاحظات كملف: النص الطويل بالرسالة بيضيع منه، والملف بيقرأه كامل.
- الألوان بالـ hex: Design بيلتزم بـ #2DD4BF أكتر بكتير من «أزرق فاتح».
- التعديل محدد: «عدّل الشريحة 4 بس» ما بيعيد الملفات التلاتة.
- راجع الأرقام: قبل ما تبعت التقرير لحدا، طابق الأرقام والأسماء مع الملاحظات الأصلية.
?
أسئلة شائعة
بيشتغل بالخطة المجانية؟
حسب ملاحظات الإصدار الرسمية، Docs وSlides وDesign متاحين بكل الخطط حتى المجانية. بس حدود الاستخدام بالمجاني أقل، فالطلب الكبير ممكن يوقفك بالنص.
وين راح Cowork؟
ما راح: صار جزء من نفس Claude. ما في وضع تختاره، وClaude بيقرر لحاله إذا المهمة بدها ملفات أو شغل أطول. شرح Cowork بـ دليل Claude Cowork.
بقدر أفتح العرض بـ PowerPoint؟
آه، العرض بيتصدّر PowerPoint أو Google Slides أو PDF.
بيعرف يكتب عربي بالشرائح والغلاف؟
آه، الـ prompt كله عربي والقاعدة الأولى «اللغة: عربي». اختار خط بيدعم العربي (زي Cairo) عشان الغلاف يطلع مرتب.